Xeyal bikerênê ke şima 18 serrî zîndanê de ye. Şima serê xo yew wedi de manenî. 24 saete yewî ra qiseynêkenî. 18 serrî yewî ra qisey nêkenê.
Bena çend serrî ge ge awikat û keyeyê şima ra çend rey şîyayîş û ameyîyayîş bîyo. Dima ra çend kes ardê nezdiyê şima, şima înan ra zî çend rey yewbîdîyayîş kerdo. Teberê nê çîyan ti eleqeyê şima dinya û teberî ra çin o. Yew hevalê şima nêaseno. Hevalê şima dêse wede yo. Eynê şima zî dêse wede yo. Şima dêsî ra huyenî û bermenî. Dêsî ra qisey kenî. Şima tim û tim eynî veng şinawenî. Şima tim û tim rengan vînenî. Şima tim û tim eynî rewş û atmosferî de cuwîyenî. Şima sey xo manenî? Qey (seba) Homayî (heqî) raşt vajenê, şima aqil serê ra pernenî yan nêpernenî?
Qey Homayî raşt vajenê, şima qiseykerdiş vînkenê yan nêkenê?
Qey Homayî raşt vajenê, şima kerra zî bibenê, şima felqe felqe nêbenê?
Qey Homayî raşt vajenê, şima kerrayê sebir zî bibenê şima nêteqenî?
Qey Homayî raşt vajenê, şima eşkenê çend saet, çend roj, çend aşm, çend serrî xoverdayîş bikerdênê.
Qey Homayî ayek vanî ma Kurdî, ma erebî, ma însanî kam eşkenî 18 serrî biciwî yo?
Qey Hoyayî ez perskena yewê wayîrê wijdanî eşkeno cewab bido?
Serokê Şarê Kurd Abdullah Ocalan tam 18 serrî esîro, Girawa Îmralî de zîndan de yo. Çîyo ke mi cor de nuşto Serokê Şarê Kurd Ocalan yew bî yew nê çîyan ciwîyayo. 18 serrê xo zî derbaskerd û kewt serra 19’sin (newês).
Wexto ke neyarên şarê kurdî Serok APO esîr girewt wa qey eyê bierzê Zîndanê Îmralî ma eyê teslîm gênî û PKK zî çin kenî. Çiyo hina eşkera zî vatênê. Ayê ke komployêk hina plan kerd, yew bi yew şîyê. Aqubetê tayînan bi merg. Dewleta înan bela û vila bî. Ayê desthilatî ra kewtî.
La Serok APO çiqas şi hetê fikrî û stratejî de xo kerd hêzêk gird. Bi desan kîtabî nuştî. Rayîra çareserî û serkewtişî nîşanê şarê kurd û pêronê dinya da. PKK çiqas şî hêzê xo zêde kerd. Verê cû tena ser Bakurê Kurdistan bi hêz bibî. La nika çar parçe Kurdistanê de hêzê yewina.
Bi tesîrê Serok APO û PKK, Rojavayê Kurdistanê de şoreşêk awanbi. Cinîyên Kurd bin nameyê YPJ destan nusnenî. Pêronê dinya hurmetîya xo qey cinîyê kurd nîşandanê. Ewro sey xelaskarê dinya yenî dîyayîş. Na raştîyêk zaf pîla. Keyna û lajê mîletê bîn na raştî vînenî. Qefle qefle şinî beşdarê YPG-YPJ benî. Bi desan înan zî şehît kewtî. Yane komplogêran waşt ke Serok APO û PKK bê tesîr bikerênê. Teng û çinbikerênê.
La vînayîşê Serok APO û tesîrê PKK hîna zaf bi. Dinya ra vila bi. Kurdistan û Rojavayê Kurdistan bi merkezê têkoşînê. Bi hewîyê şaran. Do komplegêr binbikewrenê. Ez vana wa komplegêr qehrbibenê. Şehîdên ke hemberê komployê xo fedakerd û komplo binvist, ez pêronê ayê şehîdan vîraana.