3ê Hezîrane de qezaya Licê ya Amedî de mabênê leşker û gerîlayanê HPGyî de pêrodayîşêk qewimîyabi û netîceyê pêrodayîşî de 4 gerîlayî şehîd bîbî. Nê gerîlayan ra cenazeyê Yûsûf Kayran (Zinar Akro) û Omer Demîr (Serhildan Mazî) hetê keyeyan ra ameyî girewtene û Goristanê Yenîkoyî yê Amedî de ameyî definkerdene.
Cenazeyî Nêweşxaneyê Cigêrayîş û Perwerdeyî yê Gazî Yaşargîlî de amayêne vindertene. Keyeyan cenazeyî girewtî û polîsan reyde hetê Goristanê Yenîkoyî kewtê rayîr. Cenazeyê Kayran û Demîrî gorîstan de dimayê wecîbeyê dînî ameyî caardene ameyî definkerdene. Keyeyî, merdimî û şarî tewrê merasîmê cenaze bîyî. Binê abluqaya polîsan de cenazeyî ameyî definkerdene.
Seke yeno zanayene 3ê Hezîrane de netîceyê pêrodayîşî de gerîlayê HPGyî yê bi nameyê Îbrahîm Çelîk (Mahîr Andok), Yûsûf Kayran (Zinar Akro), Abdûllah Tûrhan (Reber Amed) û Omer Demîr (Serhildan Mazî) şehîd bîbî. Cenazeyê 44 rojî cayê pêrodayîşî de erd de mendî dima ra merdimanê şehîdan ceyê qewimîyayîşî ra cenazeyî girewtbî. Na reye zî bi aşman o ke morganê Amed û Stenbolî de yenê vindarnayene.
AMED