2 cinîyî beşdarê Erkê Xopawitişî bîyî

KAMÎRAN XOCE / ANHA/MINBIC

Badê ke qanûnê hêzê xopawitişî ame vetiş û hetê rîsipî û şêxê eşîrê Minbicî û dormeyê ci ra ame qebulkerdiş, qanûn hetê endamê Meclîsê Qanûnviraştoxî ra ame tesdîqkerdiş. Dima ra Îdarekarîya Sîvîle ya Demokratîke ya Bajarî seba munaqeşekerdişê tuzugê Erkê Xopawitişî bi rîsipî û şêxê eşîran reyde kombîyayîşêk viraşte. 

Nuqtaya dîyine ya madeya hîrêyine ya qanûnê Erkê Xopawitişî yê bajarê Minbicî û dormeyê ci de wina yeno vatiş: “Heqê cinîyan esto ke bi zerrba xo beşdarê hêzê xopawitişî bibî.” Ser nê esasî 2 cinîyê ciwanî yê bi nameyê Îman Ehmed El-Şemalî û Nehla El-Hemed El-Hemûde beşdarê Erkê Xopawitişî bîyî. Babete ser o Îman Ehmed El-Şemalîye qisey kerde.

El-Şemalîye 23 serra ya û ereb a. El-Şemalîye qiseykerdişê xo de wina va: “Ez bi zerrba xo beşdarê xebatê xopawitişî bena; çimkî Erkê Xopawitişî tena camêrdan ra pê nîno. Ganî heme cinîyî beşdarê xebatê xopawitişî bibî û cayê xo xoverdayîş û pawitiş de bigîrî. Seba çîyê ke ameyî sereyê Minbicî, reyna nêrî cuyayîş, wa heme cinîyê ciwanî beşdarê xebatê xopawitişî bibî.”