23ê Gulana 2017î de Dêrsim de mabênê gerîla û leşkeran de pêrodayîşêk vejîya û amebi musayene ke netîceyê pêrodayîşî de Agît Îpek şehîd bîyo. Badê ke xebera şehadetê Îpekî ameye, dayîka ci Halîse Aksoye şî Dezgehê Tibê Edlî yê Meletî û muracatê Serdozgerîya Komare ya Dêrsimî kerd. Dayîke 2 serrî yo ke cenazeya lajê xo gêrena.
Dayîke Aksoye aşma Hezîrane de nimuneya gonîye da û aye ra ameyo vatene ke cenazeya lajê aye Stenbol de ya. Dayîke 2 aşmî bî ke paweyê xebera netîceyan bî. Labelê nika dayîke ra ameyo vatene ke netîceyê testê DNA negatîf o û cenaze aydê lajê aye nîyo.
Badê ke netîce negatîf vejîya, dosya reyna tepîya erşawîyaye Dêrsim. Bi mabênkarîya avûkatan dayîke ra ame vatene ke ganî reyna şêro Dêrsim. Birayanê Aksoyî zî seba ke teşhis bikerî, muracatê Dezgehê Tibê Edlî yê Stenbolî kerdo, labelê înan ra ameyo vatene ke cenaze texrîb bîyo û nîno naskerdene. Dayîke do reyna şêro Dêrsim û aqubetê lajê xo biperaso. Dayîke dîyar kerde ke eke netîceyêk nêvejîyo, o wext do îdîayê cenaze hetê welatîyan ra ameya definkerdene raşt bivejîyo. Dayîke va ‘ez heta ke cenazeya lajê xo bivîna, têkoşîn bida’.
MA/AMED