ÇELE: Komeleya Dêrsimî ya Pawitişê Kultur û Xozayî, raporeke serra 2012 de UNESCO weşana xo de ard bi ziwan û Ziwanê Atlasa xo de seba ziwanê ke vinî benê hadre kerdbi û verba no raporê, raporek viraşt û kirmancan wayîr vejîyay. - Di Kurultaya Egîtîm Sene de çarçiweya kurultaye beşdarwanêy mijara perwerdeya gureyî, zayendîya komelî û şîdetî mîyan xo de nîqaş kerdî û seba wayîrvejîyayişê ziwanê ser biryarr girewtî.

SIBATE: Licêye serra 1993 de ver çiman amebi veşnayiş. Goreya qeydê fermî 17 goreya nêfermî zî 36 kesey cuyayişê xo vinî kerd. Qirkerdişê Licê ra pey 21 serrîy ravêray. Doza Qirkerdişê Licêyî yewin Amedî de ame vînayiş. Şahîdê Qirkerdişê Licêyê zî no doze de hadre bîy. La belê badî doza yewin dozger bîryar da ke na doze do Eskîşehîrê de bêro vînayiş û Eskîşehîre de ame vînayiş. 

ADARE: Seba ‘Ocalan ra azadî’ di mîyanê 2014’ê kampanya ameybi destpêkerdiş û na kampanyaye ra çewlîgijan wayîr vejîyaybi û vat bike hetanê nika ganî Rayverê Şarê Kurd Abdullah Ocalan mîyanê çewlîgijan de bibîynê û sîyaset bikerdî.

NÎSANE: Di 30 adare 2014’ê de weçînayişê heremê dêrsimijan bi serfirazî qezenc kerdbî û bi coş û heycanî firaz kerdbî û Mehmet Alî Bul şahî de vat bike: “Do ma şarê xo reyde Dêrsime hîna azad bikerî.”

GULANE: Biryarê qirkerdişê Dêrsimî 4 Nîsanî 1938 de TBMM de ame bi girewtiş. Qirkerdişê serrgêra Terteleyê Dêrsimî ê ke cuyayîşê xo vînî kerd û seba vîrardişê înan ra bi verên ra Dêrsime de Ewropa û Tirkîya de çalakî yê vîrameyîşî virazîyabi.

HEZÎRANE: KURDÎ - DER pirtûkê perwerdeyîyê 4 polan hadre kerd û pirtûkan ser Serekê KURDÎ-DERê ya Pêroyinî Sebahattîn Gultekîn vat bike: “Babetê ziwanê kurdî xobixo ma xebat bikerî. Çew ma ra nîno nêvano şaredarî û papolan de bi kurdî qise mekerî. Ma xobixo helênenî.”

TEMMUZE:  Sêwaz de 2 Temmûze 1993 de Otela Madimakî de 33 ronşvîr, nuştox şorişgerî ameybi qetilkerdiş. Otela Madimakî bibo Muzeya Şermî, elewîyan û komeleyê elewîyan Otela Madimakî de çalakîyê girse viraşt bi.

TEBAXE: Di çarçiweya Mîhrîcana Xoza û Kultura Munzurî ra bi hezaran kesê beşdar bîy. Di konserê de bi hezaran kesê marşa ‘Çerxa Şorişe’ wendbî û bêmîyan dirûşmeyê ‘Biciwî Serek Apo’, ‘Îmralî ra hezar silom’ qîrabî. Hewna di konserê de Koma Kaykerê Şarî ya Varvayî ca girewtbi û bi beşdarbîyîşê koma Saza Gede û Mercana Umutî deyrî elewîyan amebi vatiş.

ÊLULE: Serr qirkerdişê Roboskîyê 978 rojê vîyart û dema qirkerdişî zî zafê gedeyê bi temamî 34 kurd î cuyayişê xo vinîkerdbî û no qirkerdiş zî verê çimê dinyayî qewimyabi la belê hema zî qetilkarê qirkerdişê verê darazîyê nêameyê vejnayişî. Nika di Tirkîyayê de nê 20 aşmoke yew ravêreyeya aştî averşona la qetil dîyar nîyê û Roboske muze amey akerdiş.

CITMENGE: Di pêroyina Sûrîye û Rojhîlatê Mîyanê ra şaran beşdarê YPG benî û verba zilmê çeteyê DAIŞî têkoşîn danê. YPGî ra yew welatijê Amerîkayî zî beşdar bi. Jordan Matson eyaleta Wîsconsîna Amerîkayê ra ame û beşdar YPGî bi û Matson di verba çeteyê DAIŞî têkoşîneke gird û serfiraz dona û dayişê ra zî do dewam bikero.

TEŞRÎNE: Nê 44 rojeke di Kobanê hêzê YPG/YPJ verba çeteyê DAIŞê têkoşîneke gird danî. Na têkoşîna hêzê YPG/YPJê ser zî di di dinyayê de 1 Teşrîne roja Kobanê ame îlankerdiş. Prof. Dr. Chrîstîna Zeller, Yrd. Prof. Dr. Darîo N. Azzelînî, Prof. Dr. Antonîa Davîdovîc, Prof. Dr. Wolfgang Trîebel, Dr. Thomas Seîbert û pêşkêşwan Robert Leyîn zî seba Kobanê reyde paştîdayişê heme dinyaye ra di 1 Teşrîne de kûçe û papolan ra vejîyayişê ser veng day. Bi vengê Komîsyonê Sivîl a Tirkîyayê ya Yewîtîya Ewropayê (EUTTC) ser do pêroyina dinyayê 1 Teşrîne de bi dirûşmeya ‘Kobanê û merdimatî rê, verba DAIŞ dinya meşîyena’  Kobanê ra paştîdayişê çalakîyan bêrê darvistiş. Nê çalakîyan ra welatê Almanya û Avustralyaye ra zî di zaf hûmarîy de akademîsyenê hetkarî danê.

KANÛNE: Terteleyê Gurgume ser 36 serr vîyart, la hema zî deja şahîdê terteleyê hûnik nêbîyo. No demî de seba hadreyeya Terteleyê ser bi îdiaya ‘Humarîya nûfisî’ û ‘Vîrnêbîyîşê nameyan ser’ keyeyê elewîyan bi boyaxî ameybîy nîşankerdiş û peynî de zî zaf elewî kiştiş. Serrgêraya Gurgume de elewîyan vejîyaybi papol û kûçeyan.