Xebatê weçînayîşê 24ê Hezîrane bajar bi bajar, qeza bi qeza dewam kenî. Namzedê Partîya Şaran ya Demokratîke (HDP) serê sibayî ra heta şewe bêmabên xebatanê weçînayîşî domnenî. Cayo ke namzedî şonî de raştê eleqeyêko gird yenî xebatê weçînayîşî açarîyenî mîtînge û çalakîyan.
Namzed û îdarekarê HDPyî Amed, Mêrdîn, Stenbol, Sêrt, Bursa, Îzmîr, Êlih, Kocaelî û sewbîna xeylê bajaran de namzed û şar ame têhet. Nê bajaran de akerdişê buroyan, şahî, zîyaretê şar û esnafan û sewbîna tewir bi tewir xebatî yenî kerdiş. Şarî bi silogananê ‘Ma bi ciwanî dest pêkerd, ma do bi ciwanî biqedênî’, ‘Bicuye xoverdayîşê zîndanan’, ‘Cinî, cuye, azadî’, ‘Ciwanî bêrî do sosyalîzm bêro’ û sewbîna eştî.
Namzeda HDPyî ya Îzmîrî Serpîl Kemalbaye qisey kerde û wina va: “Ma seba rojanê roşninan hewl danî bixebetyî. Têkoşînê cinî, karker û heme bindestan îfadeyê xo vîneno. AKP û Erdogan tewr zaf HDP ra nefret kenî. Seba ke Selahattîn Demîrtaşî ra tersenî, ey tewqîf kerdî. Ma do 24ê Hezîrane bi hawa baş bikar bîyarî. Eke şar biwazo eşkeno heme çî bikero. Hertim xoverdakarî vatişê peyênî vanî. Ma bawer kenî ke HDP do bendê weçînayîşî derbaz bikero.”
MERKEZÊ XEBERAN