Tirkîyaya ke krîzê ekonomîke û sîyasî tede esto, nîsbetê bêkarîye zî her ke şono zêde beno. Dezgehê Îstatîstîkan yê Tirkîya (TUÎK) derheqê bêkarîya aşma temmuze de melumatî dayî. Goreyê melumatê TUÎKî bêkarîya aşma temmuze goreyê temmuza parî zêde bîya.
Goreyê melumatê TUÎKî aşma temmuze de bêkarê ke 15 serrî ra pîlêr î, 88 hezar kesî zêde bîyî û pêro pîya hûmara bêkaran bîya 3 mîlyon 531 hezar. Goreyê na melumate nîsbetê bêkarîye bîyo se ra 19.9. Reyna goreyê melumatan kesê ke yenî xebetnayene, hûmara înan 507 hezar zêde bîyo û resayo 29 mîlyon 265 kesan û nîsbetê ci zî bîyo se ra 48,2. Melumatê TUÎKî de aseno ke kesê ke zîret de xebetîyenî, hûmara înan 247 hezar kêmî bîya. Kesê ke teberê zîretî de xebetîyenî, hûmara înan 755 hezar zêde bîya.
AMED