Taxa Hespenekî ya qezaya Erdîşî ya Wanî de polîs û leşkeran eşt keyeyê Polatî ser û taxe de çend keyeyî sehnayî. Polîs û leşkeran endamê keyeyî ra vatî ‘mîyanê 3 deqayan de ban veng bikerê’ û dima ra guleyê gazî eştî banî mîyan. Netîceyê eştişê guleyan de şewat vejîya.
Ame musayene ke netîceyê eştişê guleyan de şewat vejîyayo û endamanê keyeyê bi zorî çend parçeyê kel-melê xo şewatî ra xelisnayî. Ame dîyayene ke wextê şewatî de kitabo pîroz Quren zî veşayo. Wayîrê banî Pakîze Polate wina qala ê vîstan kerde: “Şewe saete 00.30 de eştî keyeyê ma ser. Ma hîna cilê xo xoranêdaybî, ma ra vatî ‘3 deqayê şima estî; eke şima banî veng nêkerî, ma do gule bireşanî keyeyî’ Ma domanan girewtî û vejîyayî. Dima ra wesayîto zirxin ra bombeyê gazî eştî û şewat vejîya. Ma heta serê sibayî teber de mendî. 4 serran de 5 reyî eştî banê ma ser. 3 serrî verê reyna banê ma veşnayî.”
WAN