Heto bîn ra şerwanê Hêzê Sûrîyeya Demokratîke (HSD) çarçewaya operasyonê Dêrazorî de 4 cinî û camêrdêko êzidî ke 2014 ra nata hetê çeteyan de esîr bî, xelisnayî. Kesê ke ameyî xelisnayîş, Xanesor de hetê TAJÊ ra ameyî teslîmgirewtiş.
Babete ser o ser nameyê Meclîsê TAJÊ Edûl Elîye qisey kerde û wina va: “Ma do têkoşînê xo bidomnî. Bi saya qehremananê HSDyî panc domananê Êzidxanî ameyî xelisnayîş. Ma sipasîya xo înan rê û şarê xo yê Rojawanî rê kenî; çimkî ê ma rê benî hektar. Ma kêfweş î ke ewro 5 kesî ameyî xelisnayîş.”
Keyeyê kesê ke ameyî rizgarkerdiş, zî wina vatî: “Ma HSDyî rê zaf sipas kenî. Hema tayê domanê ma yê bînî zî destê çeteyan de yî. Ma hêvî kenî ke demêko nizdî de ê zî do xilas bibî. HSD hêvîya şarî yo.”
Ma hêvîya xo vînî nêkenî’
Sêvê Îliyase zî hîsê xo arde ziwan û wina va: “2014 ra nata mi rojêka başe nêdîbî, labelê ewro saya qehremananê HSDyî de ez zaf kêfweş a û ez hêvî kena ke domanê ma yê bînî zî bixelisyî. Ma saya HSDyî de hêvîya xo vînî nêkenî.”
ŞENGAL/JINNEWS