Tayyîp Erdogan seba weçînayîşê şaredarîyê şino kam hew bajarê Kurdistanê , destê xo keno berz û nişanê 4 giştan keno.

Vano, wa “herkes hina bikero”.
Hîtlerî seyî pê yew dest nişanê 5 giştan kerdê û hina destê xo berz kerdenê, ewro zî Erdogan nê çîyê keno.
Pêronê dinya de kam ke, nîşanê Hîtler bikero zê qirker û nîjadperêst yeno dîyayîş, yeno lanetkerdiş. Sucdar yeno dîyayîş. Yeno mehkemekerdiş.
Tayyîp Erdogan cayê Hîtler girewto û hîşê Hîtler dano dewamkerdiş.
Yew însanê biaqil nêvejîyeno, nêvano çîyo ke Erdogan keno, nîjadperêstî ya. Suce qirkerdişo.
Erdogan en zaf zî Kurdistanê de hina keno. Nîşanê nîjadperêstî keno, la ser de vano “no nîşanê Rabîayo”.
Riha de hina kerd. Agirî de hina kerd. Mûş de hina kerd. Çewlîg de hina kerd. Ser de vano “Nê 4 gişte her yew mane cîya cîya yê”.
Erdogan vano “gişte yewin Tek Mîllet a”.
Tek mîllet çîya, mîlletê Tirka.
Vatişê tek mîllet, înkarkerdişê mîlletê Kurda. Vano, “gişte diyîn, yew ziwan o”.
Yew ziwan çîyo, ziwanê Tirkî yo.
Yew ziwan, înkarkerdişê ziwanê Kurdê.
Vano “gişte hîrêyîn, yew ala”.
Yew al çîyo, ala Tirk a.
Yew al, nêqebulkerdiş ala kurda.
Vano, çar yew welat o.
Vatişê yew welat înkarkerdişê Kurdistanê yo.
Nê vatişê hetê dînê Îslamê de zî kufirîyê.
Erdogan qalê dînê Îslam keno, la pê nê hîş û vatişan xo erzeno cayê homa yê. Xo keno şîrike homa yê.
Erdogan bi nê hîş û vatişan kewno kufir. Yanî kufîrbazî keno.
Quran de sûre Hucarat de hina yeno vatiş,”Seba ke, şima yewbîn bişinasnenê mi şima cîya cîya zê mîllet û êşîran viraştî”.
Hz. Muhammed zî vano, “Kam ke, xo înkar biker o ma ra nîyo.
Malê Musilmanê, musilmanê ra ameyo herem kerdiş”.
Wexto ke, ma gore Quran û hadîsanê Hz.Muhammed bi ewnê çîyo ke, Tayyîp Erdogan keno, eleqê Erdoganê û dînê Îslam, Quran û Hz.Muhammed çîno.
Çîyo ke, Erdogan keno kam hetî ra beno wa bibo, faşîzmo. Qirkerdişê mîlletê Kurdî yo. Kufiro.
Mîlletê Kurd gera nê raştî veş bivîno, yew reyê xo medo AKP û Erdogan.
Kam ke, rey bido AKP û Erdogan kewno kufir. Beno sucdar.