Vîr mekerenê! Tebere welatî de seba û qey weçînayîşê 1’ê Mijdare 4 rojî mendî.
Vîr mekerenê! Weçînayîşê 1’ê Mijdare zaf zaf muhîm o.
Vîr mekerenê! 7’ê Hezîrane de HDP serkewt. AKP bikewt.
AKP û Recep Tayîp Erdoganê seba ke HDP serkewtibî, weçînayîşê 7 Hezîrane îptal kerd. Va gera newe ra weçînayîş bibo.
Vîr mekerenê! AKP û Recep Tayîp Erdogan înan weçînayîşê 7 Hezîrane dima ra hina har bîyê kî, hemberê şarê kurdî şerêk newe da destpêkerdiş.
Vîr mekerenê! Pirsus(Suruç) senî 33 ciwanê delalî hetê DAÎŞ’ê AKP ra ameyê kiştiş.
24 Temuzê de zî tam pê 134 teyaran hêrîşê Başurê Kurdîstanê kerd û şerêk newe vet.
Vîr mekerenê! Cizîre Botan de tutê 35 rojî yê bi nameyê Muhamed Taha Yaramiş, kale 75 serrî hetê polîsanê AKP ra ameye kiştiş.
Vîr mekerenê! Farqîn de pîrika 70 serrî hetê polîsanê AKP ra ameya kiştiş.
Vîr mekerenê! Polîsanê AKP, Şirnex de cenazeyê Hecî Bîrlîk pê resne girê da û bi aqrebî erdî ra kaş kerd.
Vîr mekerenê! Polîsanê AKP, Gimgim de gerîlaya YJA-STAR Kevser(Ekîn Wan) kişt û tazî kerd û resme aye vila kerd.
Vîr mekerenê! Esker û polîsanê AKP, Amed de keynaya delal Hêlîn kişt û va ma terorîst kişta.
Vîr mekerenê! Esker û polîsanê AKP, Amed, Bismîl, Cizîra Botan, Gever, Gimgim, Farqîn, Silopî û Wan cayê bîn de bi seyan bebek, qijek, baw û dayî, kal û pîrîka Kurd kiştî, pêronê înan ra va, "Ma terorîst kiştî."
Ehmed Dawidoglu zurî kerd û va, "Ma hete nika yew sîvîl nêkişto."
Vîr mekerenê!
Çeteyên DAÎŞ’ê MÎT û AKP, Engurî de 102 kurd û dostê kurdan kiştî. Zêdayîrê 400 kesî zî birîndar kerdî.
Seba nê komkiştişî Ehmed Dawidoglu se va?
Vat ke, "no komkiştiş DAÎŞ û PKK pîya kerdo."
Yew serekwezîr hinde zuran keno. Reyna Ehmed Dawidoglu yew qiseyêk zaf baldar kerd. Vat kî, "komkiştişê Engurî dima ra rayê ma 3-4 puan zêde bîyê."
Emelê AKP tena nê çîyê nîyê.
Nuştêyê kombîyayîşê AKP vejîyayê werti.
Nê nuşteyan de Omer Çelîk zelal vano kî, "Ma 7 Hezîrane de vînkerd. Ma dest eşt tank û tifingan. Ma şer da destpêkerdiş"
Şarê Kurd yê kî Ewropa û welatên bîn de ciwîyenî gera na raştîya AKP bivînê.
Gore nayê zî rayenê bidenê HDP.
Tîya de mendî mendî 4 rojî mendî.
Kam vana ma nêwazenê qijêk, baw û dayî, kal û pîrikê nêyenê kiştiş wa şêrenê ser sindoqan û rayanê xo bidenê HDP.
Kam vano ze wazena Kurdîstanê Azad awanbibo, wa şêro rayanê xo bido HDP.