Polîtîkayê hukmatî ke vera cinîyan de dişmenî kenî, her ca de xo nîşan danî. 15ê temuze ra dima bi îlankerdişê OHALî xeylê sazî û dezgeyî ameyî padayîş.
Qayûmê ke tayînê şaredarîyanê DBPyî bîyî heta nika 52 sazî û dezgehê cinîyan ke bin banê şaredarîyan de ca girewtênê, padayî. Mîyanê nê sazî û dezgehan de bitaybetî dezgehê ke cinîyan perwerde kenî û vera zext û tedayan de cinîyan bi zana kenî estî û nê dezgehan ra ya tewr gird zî Kongreya Cinîyê Azade (KJA) ya. Cinîyî vera nê padayîşan de dîyar kenî ke xeyal û tecrubeyê înan bi morêk nîno çinkerdiş.
AMED