Li gorî nûçeya BBC'ê, Obama, êrişa pêr a artêşa Sûriyeyê, ku bi tank û topan êrişî xwepêşandêran li bajarê Hemayê kiribûn û di encamê de, zêdetirî 120 kes miribûn, şermezar kir. Li gorî nûçeyê, Obama, diyar kir, rejîma Sûriyeyê, li dijî gelê xwe şer îlan kiriye, ji ber wê jî, dê hewla bide Serokdewlet Beşar Esed riswa bike.
Serokê DYA'yê, got, bûyera bajarê Hemayê, rûyê rastî yê rejîma Sûriyeyê nîşan da.

136 kes hatin kuştin
Li Sûriyeyê artêşa Sûriyeyê li dijî bajarên Hema, Dera û Dêelzurê dest bi operesyonên berfereh û dijwar kir. Derbarê operesyonên ku hatine kirin de, Rêxistina mafên mirovan ya Sûrî ragihand ku di encama pevçûna îro li bajarê Hemayê 100 kes hatiye kuştin û li bajarê Dêrelzurê jî 20 û li Dera'yê jî 16 kes hatine kuştin.
Her wiha wê rêxistinê da zanîn ku ji ber parçebûna rêzên artêşa Sûriyeyê, di navbera artêş û yekeyên ku cuda bûne de şer û pevçûneke dijwar derketiye û di encamê de, 136 kes hatine kuştin û hîn jî ew şer berdewam e.


PUKmedia /AKnews