Goreyê dayeyanê ÎHD, bi îlanê OHALî ra pîya Tirkîye de hûmara tepişteyanê nêweşt resya 900'î. Îdarekara ÎHD Nûray Çevîrmen, da zonayiş ke OHALî ra dima şert û mercê girotxaneyan bîye xiravîn.
Komeleya Heqê Mordeman (ÎHD), 26ê Cotmehê de rapora "Lîsteya Tepişteyê Nêweş ê Girotxaneyanê Tirkîye” aşkere kerd û goreyê dayeyanê rapor girotxaneyanê Tirkîye de 905 tepişteyê nêweş estê.
Endama Komîsyona ÎHD Nûray Çevîrmen, vist vîrî ke hinan xo tewr vêşêr resna tepişteyanê nêweş yê sîyasî, bi tepişteyanê nêweş yê edlî ra do hûmar vêşêr bo.
Hûmar her ke şina bena jêde
Çevîrmen da zonayen ke girotxaneyanê welatanê rojawa de hûmara tepişteyanê nêweş şenik (kêmî) beno, la Tirkîye de her ke şino vêşêr beno û wina dewam kerd: “Bi OHALî ra pîya şert û mercê weşî yê girotxaneyan xerabtir bîya. Bi taybetî tepişteyê sîyasî heqanê xo yê esasî ra bêpar yenê vistiş. Tepiştey terkê merdişî yenê kerdiş. Rîwalê şertanê xirab ê girotxaneyan tepişteş hona vêşêr nêweş kewnê.”
‘Ganî malbatî desteg bidê ma’
Çevîrmen vist vîrî ke ê bi serrano kuçeyan de serva (qandê) tepişteyan vengdayişê hîsgêrî kenê û qiseyanê xo bi nê vatenan qedêna: “Bi taybetî ganî malbatî desteg bidê çalekîyanê ma. Ganî pêrokîn pawitoxê mordeman her hefte bi ma ra bê. Dema newî de ma bi 15 pawitoxan ra 40 girotxaneyan geyrîya û ma dê derheqê binlingkerdişê heqan de raporeke hera hadre bikerê û aşma Çile de bi raya pêroyîn bare bikerê.
DÎHABER / ENQERA