Kobanijêy ke barbareya DAIŞ ra remay amey Tirkîyayî rê AFAD kampeke rona. La qampa xo ‘Wargeha Mezin’ ya ke serra 1895 de ermenîya bi komkî qirkerdbî ser de rona. Ermenîyê Pirsûs (Surûç) ra Bozan Demîrî ard ziwan ke cayê ke AFAD ser de konê xo ronayê serra 1895 de bi hezaran ermenî oca de amey qirkerdiş û wina vat: “Birayê ma na gam hesteyê kalikêy ma ser de rakunê. No hawa polîtîka cayeke de nîyameyo vînayiş.” Û îsyan kerd.

Goreya vatişê ermenîyê Pirsûsî AFADî konê ke qaşo ardimê kobanijan keno hesteyê kalikêy ma ser de ronayo û îsyan kerdîy. Kesêy ermenî ra Bozan Demîr (54) û Îbrahîm Halîl Kaya (58) 60 serre Kurd Hakkî Firat derheqê AFADî de qise kerdîy. Vatişê hemeyan ra vejya  meydan ke AFADî kobanıjan ra mezelan ser rewa vînayo. Vatişê înar ra eyseno ke Abdulhemîtê 2’yine Erzirom, Erzîngan, Melezgirt, Sewas, Cizir, Mûş, Serhet û Botanî ra nezdî 20 hezar ermenî surgun kerdêy. Nameyê cayê ke konbajara AFADî ‘Wargeha Mezin’ ke ermenîyan zî wextî de kombajar ronabi ewro kobanijan ronayê. Goreya vatişê înan ermenîyê ke surgunê tîya kerdîy hemeyan hureynîya konê AFADî de qirkerdêy û hesteyê înan oca de yo.


'Hesteyan bapîran serde yê'

AFADî 4 aşmêy qirkerdişê DAIŞ ra pey konan hesteyê ermenîyan ser de ronaya. İbrahîm Halîk Kaya ard ziwan ke wexta ke şar bi tevir û wîyeyan erdî keneno hesteyî vejyenê meydan û vina dewam kerd: “Kalêy ma ocayî ra vatê Wargeha Mezin. Na gam kampa AFADî ocayî ser de ronîyayo. Hesteyê ma bapîranê ma oca de yê. Goreya vatişan 2 hezar ermenî oca de qir kerdîy. Tornêy ermenîyê ey demî remay şî Kobanî. Ewro zî verbê çeteyê DAIŞ remay amey tîya. AFAD zî înan hesteyê bapîrêy înan ser de bica kerdo. 

Bozan Demîr zî ard ziwanke Wargeha Mezin kampa ermîyan ya sifteyino û vat: “Dewa Xelê Osî de ermenîy ke koç kerdîy gola awa heywanan vînay û şîy awe bişimê. La oca de pay nay serê bi seyan ermenîyan û awî de fetisnay.”

Dewama qisey xo de vat: “Ermenî ey ra pey remay kişta Kobanî. Ewro zî DAÎŞ ver de remay amey naştî. La AFADî hesteyê kalikê înan ser de înan ra kon akerdêy. No çî tu cayeke dinyayî de çîno.”

Hakî Firatî zî komîsyona îxtîyaran de ca geno. Ard ziwan ke kalikê xo ra çîy ke ermenîyan ser de kerdê ra zaf qal kerdo û wina dewam kerd: “Qampa AFADî ya ewro, verî qampa ermenîyan bi. Oca de bi hezaran kesan cuyayişê xo vinî kerdîy. Na gam zî dewlete oca de kam ronaya. Armanca tirkan çiçî yo? Hintayê cayê veng esto çira oca dayronayiş. Goreya min qirkerdişêy ke kerdê bîyaro ma vîr ra bi zaneyî ocayî de kon dayakediş.”

Firatî wina qedîna: “Wexta osmanîyan de kurdan bin banê ‘gawir’ de qirkerdîy. Ewro zî eynî çîy bin banê DAÎŞ de wazenêy bikerêy. Mezgê osmanî û tirkan eynî yo û na gam teslîmê DAÎŞ kerdêy. Kurdêy ke ey demî de ermenîyan ra ardim kerdîy zîndanan de dayriznayiş. Ewro zî semedo ke ma Kobanî ra ardim kenêy ra kurdan yenê daraznayiş. Mezgê ey demî û ney demî eynî yê.” 


ANF/RIHA