Welatîyê Kobanê yê ke hêrîşê çeteyê DAIŞî ver koçber bîyê û ameyê qezaya Riha Pirsûsî mecbûr mendî û konbajarê AFAD’î de manenê şert û mercê uca ver şîyê konbajarê Şehîd Gelhad. Welatî derheqê şert û mercê xo ser qisey kerdî. Welatî Mistefa Ahmed îzeh kerd ke wexto ke Kobanê ra ameyêne Pirsûs, polîsê tirk înan bi rojan sînor ser de vinarnayê û wina va: ‘Ma bi rojan sînor ser de têşan û vêşan ameyê vinarnayîş. Wexto ke ma ameyê Pirsûs zî ma mecbûr mendî ke şêrî konbajarê AFAD’î.
‘Ardiman nêdayêna ma'
Ahmedî dazanayîş ke wexto ke AFAD de mendêne werê înan û awa înan nêameyêne werdiş û wina qisey kerd: ‘Ma pê îmkananê xo cuyê xo domnayêne. Tu ardimê dewlete nêrasa ma. Zaf rey zî pê TIR û kamyonan ardimî ardêne la veng dayêne çapemenîya xo, fotografê TIR û kamyonan antêne ‘vatêne ma ardimî vila kenî’. Wexto ke çapemenî şîyêne zî ardimî ma ra girotêne. Heme şov bî. Ma tu ardimê înan nêdî. Semedo ke ez ameya konê banê şarî ez gelek kêfweş a.’ Ahmedî nîşan kerd ke wexto ke malumatê xelesyayîşê Kobanê resayo kêfweşî ver bermayo û wina dewam kerd: ‘Wexto ke malumat resa ma, min vat ez newe ra ameya dinya. No hêrîşê dijmenê kovane w ama ra bibo ders. Lazimo ma hînî xo ra hayîdar bî û ma hînî bibê yew. Na serfirazî bi sayeyê şehîdê ma û YPG/YPJ ameye meydan.’ Welatî Mihemed Abês zî zî îzeh kerd ke wexto ke çeteyê DAIŞî Kobanê ra hêrîş kerdî dim ra keyeyê xo şirawito Pirsûs û o tena mendo û dewa xo pawito. Abêsî dazanayîş ke wexto ke xetereya qetlîamî virazîyaya waştişê şervanê YPG/YPJ ser o zî ameyo Pirsûs. Abêsî nîşan kerd ke wexto ke ameyo Pirsûs dîyo ke keyeyê ey konbajarê AFAD’î de sey esîran ameyê tepiştiş û wina va: ‘Keyeyê mi konbajaran de perîşan bibi. Dewleta tirk vana ‘ma ewnîyenê koçberê Kobanê’. Ewnîyayîşê şima no yo gelo? Ma baş zanî şima ardim danî kam. Ma wazenî şêrî ser erdê Kobanêya rengîn.’
‘YPJ bî hêvî'
Cinî Dilşad Îso zî îzeh kerd ke semedo ke Şehîd Gelad Jina bi navê Dilşeîd Îso jî anî ziman ku ji ber ku Şehîd Gelhad nêzdîyê Kobanê yo ê gelek kêfweş ê. Îso wina qisey kerd: ‘Waştişêko min tena esto, cade ez û tutanê xo şêrî Kobanê. Hînî heme kes nameyê Kobanê û YPJ/YPG zanî. Em deyndarê înan ê. bîyayîşê ma sayeyê înan o. Şervanê YPJ semedê cinîyê dinya bîyê numune û semedê bîyayîşê cinîyan bîyê hêvî.’
DÎHA/RIHA