Li ser rewşa akademiyê û di pêvajoya înşakirina xweseriya demokratîk de rol û rista akademiyê dê çi be, Serokê Akademiya Ziman a Ehmedê Xanî Abdurahman Bakir destnîşan kir ku ji vir pê de akademî li gorî navê xwe yê giran xebatan bimeşîne û li ser çand, huner, ziman û kelepora Kurdan xebatan bimeşîne.
Gihandina mamosteyên Kurdî
Bakir, destnîşan kir ku akademî ji vir pê de dê bibe cihê gihandina mamosteyên Kurdî jî û li ser vê xebata ku bû kirin jî ev tişt anîn ziman: „Di asta yekemîn û duyemîn dê mamosteyên Kurdî li KURDÎ-DER’ê bên perwerde kirin û piştre li akademiyê hem di warê ziman hem jî warê pedogojîk de werin gihandin. Di meha îlonê de ev dê dest pê bike.”
Bakir, da zanîn ku ew niha li ser kovarek jî disekin û ev kovar di du mehan carekê li ser navê akademiyê derkeve û wiha berdewam kir: “Ev xebat jî bi awayek profesyonel dê bê meşandin. Zêdetir naveroka vê kovarê jî ziman û biwêj bibin.” Bakir, diyar kir ku ew xebatek taybet jî dimeşînin û ev xebata jî pirtûkên dersan in. Bakir, bi lêv kir ku hin xebatên li ser pirtûkan jî bi encam bûne û wiha dawî li axaftina xwe anî: “Pirtûkên perwerdehiyê jî li ber destên me hene. Em wek xebatek cuda vê dinirxînin. Di wî warî de hin pirtûk li ber qedînê ye. Pirtûkên wek bîrkarî, zanîna civakê, waneya muzîkê tên amadekirin.”
GOKHAN ALTAY
/DÎHA/AMED