Soylemezî îtîraz kerd
Malbatê Huseyîn Akgunî (67) ra demo Qirkerdişê Dêrsimî de 9 kesî gorê komî ra amey eştiş û pawitoxê Huseyîn Akgunî, Cîhan Soylemez zî bi nameyê Akgunî Serdozgerîya Komarê Qisleye ra akerdişê gorê komî rê ser piro da, labelê serdozgerî waştişê Akgunî zey îdiaya ‘Demvîyarte’ de red kerd la Soylemez bira dozgerîye wedarnayîş rê Dadgerîya Cezaye ya Sulhî ya Dêrsimî ra îtîraz kerd.
Dadgerî zî îtîrazî mîyanê xo de nirxna û peynî zî ciresna ke Tirkîya demo vîyarte de nê dozan de ameya mehkumkerdiş û no ser zî ganîyo ke nê gorî bêrê akerdiş û kamî zî bêrê tespîtkerdiş.
Wa wayîr bivejî
Babet ser o Huseyîn Akgun ciresna ke Qirkerdişê Dêrsimî wehşeteko zaf gird bî û wina vat: “Pîy û datê min qirkerdişê ra pey Çemê Munzirî ra kam vejnayî se, nêçare yew çalî akerdî û zereyê no çalî gorî ronayî. Min zî na rewşe bi silgerîya pawitoxê xo dadgehe ra kirişto û ma doze qezenc kerd. Ma wazenî sifteyin kamîya goran bêro tesbîtkerdiş û peynî zî bi bawerîya xo ma wazenî goran defîn bikerî.”
Tewr peynî Akgun aşkera kerd ke ganî dêrsimijî verênanê xo ra wayîr bivejî û heqê xo bigêrî.
DÎHA/DÊRSIM