Endamê Konseya Rayirbere yê KCK ‘yî Dûran Kalkan Medîya Habere de tewrê bernameyê Ulkeden bi û meseleyanê rojdeme sero qisey kerd. Kalkanî vat; Hikumatê AKP -Erdoganî dewleta çeteyan viraşte.
Endamê Konseya Rayirbere yê KCK ‘yî Dûran Kalkan tv.Medîya Habere de tewrê bernameyê Ulkeden bi û meseleyanê rojdeme sero qisey kerd.
Kalkanî di serre de 1’ê Îlone Roca Aştî ya Cîhanî sero qisey ker û nêy vatîy; “Aştî zê çekûyêke, bê azadî û demokrasî, tu meneyêke îfade nêkena. Raştîye çîyoko bîne ya. Ewro seba ke aştî pêk bêro şert û mercîy guncav ê. Seba ke merdimayî bireso aştîye gere feraseto ke şerrî xuliqneno orte ra bêro wedartene. Ewro Rochelato Mîyanên de şerrê Cîhanî yê 3’ine pêk yeno û dewleta tirke tenê zerre de nê teber sînoranê xo de zî 24 seetîy teror û lej pêk ana.”
Kalkanî şehîdkerdişê Mam Zekî Şengalî zî vist vîrî û wina dewam kerd; “Bê şik û guman no êrîş, seba temamkerdişê qirxûnê DAÎŞ’î yo verva Şengale bi. Emerîka no êrîş erê kerd. Bi pêdîyişê Menga Sibate yê Wezîranê Karê Teberî yê Tikîya û Emerîka de êrîşanê verva Qendîl û Şengale sero ame pêkerdiş. Şertêkê naye zî erêkerdişê dewleta Îraqî bi û yeno vînayiş ke Îraqî zî na qebûl kerde. Îtîya de ma hemkarîya hêzê qirkeran vînenê.”
Hesab do teqez bêro persayiş
Kalkanî vat do lez yan zî erey miheqeq hesabê naye bêro persayiş.
Dûran Kalkanî derheqê şehîdbîyişê Fermandar Mahîr Atakan û rayhevalêy ke tedir bîy de zî nêy ardîy ziwan: “Çîyo ke Dersime de qewemîyeno gere zê êrîşêkê faşîstî heta qetlîamî bêro binamekerdene. Jenosîd est o. Xoza yena veşnayiş û qetilkerdiş. Verva ma de ferasetêko qirker û ke sûcanê verva merdimayîye pêk ano est o.”
Kalkanî fealîyetê ajantîye êy dewleta tirke yê Dersime vistîy vîrî û wina dewam kerd; “AKP dewletêka çeteyan awan kerda û wazena hemeyê civatî bikero sîxur û ajan. Serkewtişê xo zî di naye de vînena. Ma zanenê pereyan teklîf kena, zext û zordarîye kena la sebeno wa bibo gere însanîy nêkewê na defike û nêbê alet. Kam bibo aletê na hovîtîye do hesab bido.”
Idlib tenê Idlib niyo
Kalkanî derheqê krîzê aborî yê Tirkîya de zî nêy vatîy: “Pergala ke tirkîya de ameya xuliqnayiş ewlado xeyrîmeşrû yê welatanê ewropa yo. Na pergale ra menfîet bi dest fînenê. Seba naye zî çîyo ke bi xo xuliqnayo pawenê. Di raştîye de duştê Erdoganî û pergala ey nîyê. Tenê gege lingderkerdişê Erdoganî ra aciz benê. Yanê ze ke yeno vatiş nê Tirkîya antîemperyalîst a û nê zî Ewropa Demokrat a.”
Kalkanî di peynîya qiseykerdişê xo de meseleya Îdlîbî arde ziwan û wina vat; “Ya de yena dîyişî do heme cepheyan de nakokî û lej xorî bibê. Îdlîb tenê Îdlîb nîyo. Gere Îdlîb bi îşgalkerîya Ezaz, Cerablûs, Bab û Efrînî reyde bêro destgirotene.”
ANF/BEHDÎNAN