Atalan vat ke peynîya no weçînayişê do HDP vengê heme şaran bibo û wina vat: “Eke ez zey welatijê êzidîyê di HDPê de temsîlîyetê xo vîneno se, yew musliman zî eşkeno bi rehetî kamîya xo di binê HDPê de bido cuyayiş. Ez bawera do ma di Êlihê de 4 wekîlê bivejnê.”
Vengê heme şaran
Atalan bal ant ser vîzyonê HDPê û wina dewam kerd: “HDP seba temsîlbîyîşê heme şaran û bawerîyana ameyo sazbîyîş, HDP di pêroyina Kurdistan, Tirkîya û Ewropayê de yena şopnayiş, zatî HDPê zî no çarçiweyê de namzedê xo dîyar kerd. Çi heyfo ke no axê ser bi seyan tertele û jenosîdê ame kerdiş û verba na zîhnîyetê zî HDP bi şîara vengêbîyîşê heme şaran vejîya mîyan. Hewna mîsyonê HDPa vengê heme dorûverê demokrat, êzidî, ermenî, elewî, suryanî, karker û kedkeran bîyîşê est o. Persfektîfê HDP zaf bi hera yo û no ser zî di HDPê de cagirewtişî xo ser zaf bi kêfweş a.”
Polîtîkayê lêmin
Atalan destnîşan kerd ke çi heyfo ke hema zî pergal ser şaran, bawerîya polîtîkayê cidakerdiş û dûrvistişî şopnena, hêzê Hegemonîkî seba îqtîdarê xo her tim ser piro nijadperestîyî kenî, şaran zey no êzidî yo, no xiristîyan o, no elewî yo û no musliman o dir cida kenî û peynî komeleyê dûr visnenê.
Atalan ciresna ke ê di Êlihê de destûr nêdî ke AKP wekîl bivejîyo û no ser zî ganî hem ê hem zî şar têkoşîneke gird bibo û no weçînayiş ameyoxê heme şaran dîyarkerdişî rê yena kerdiş û no ser ganîyo ke di Êlihê de partîyê pergalê zey partîyê tabela bibê û no ser zî têkoşîn şert o.