Esas yîmî no gisî de konsensûso xorî est o. Ewro hîna rind fam beno, no îfade tesadûf nîyo, na derbeya fîyasko, projeya heman wextan, projeya en gird, projeya nîzama muesesî ya. Ayerayo tayê roşnvîrî, na derbe seke derbeya tîyatral zî namê kenî. Axir, rewşa ke vejîya werte, serekomar Erdogan derbeya fîyasko açerna firsetî xo.
Erdogan derbeya leşkerî açerna derbeya sivîl. No mabene de ‘ha leşkerî ha sivîl, tu hikukî derbeyan, tu meşruyetî derbeyan çîn o’ not kena.Malum, Serekomar Erdogan zaf waştên bibo serekê Tirkîya. Saya no derbeya fîyasko ho rejîmî xo înşa keno. Ho saya derbeya fîyasko hiquq serûber keno, qadroyan AKP yî dadger û dozger keno bica. Newe ra Heza Leşkerîya Tirkîya serûber keno qadroyan serleşkeranê AKPyî keno bica. Ho makeqanuna dîkta, newe ra serûber keno, sey zanîngehan sazîyan dewlet zî gorê xo dîzayn bikero, wazeno. Yanî, dewleta museses pê derbeya fîyasko xo îrade şar ser o ferz kerd.Heto bîn de rengo esas bi aşkera, deshelatdarîya AKP tescîl bî. Tirkperest, netewperest û tekperestîya AKP, otoretîya AKP tescîl bî. Derbeya fîyasko sey xizir pêresa AKP. Saya derbeya fîyasko AKP gunî kerd newe û ser o de zî AKP, wayerê zîhnîyeta xorî CHP û partîya netewperest MHP bî yekparê. Saya na derbeya tîyatral zîhnîyeto tirkperestê Tirkîya newe ra bi voltran. Saya derbeya fîyasko tewrînî mîtîngan de hamasetî seserre, jaro tirkperest zerk bi/beno. Malum pera peynî esa, meseleya kurd de AKP wayerê proje nîya.
Qewama Sur, Cizîre Gewer, Silopî... Nisêbîn de kurdnêyarî û herbkerîya AKP zî tescîl bî. Her halde AKP zî bade nê qewama peyînanê de Kurdistan de têkşîyayişîya xo vîna ke Erdogan pê derbeya fîyasko memnun bi, risteya “peyana derbe, litfî homa ya” vat. Û “wile-bîle herbo peyîn, tehrîbatî Kurdistan o peyîn min nêkerdo” zî vanî. Ayerayo ke ewro pêro AKP têfek ra “her çî, pêro tehrîbat rexistina teror FETO kerdo” vanî. AKP pê FETO xo keno pan. Ayera risteya “peyana derbe, litfî homa ya” vanî.Saya na operasyona fîyasko nîzama mueses newe yew operasyona îdraq de ya. Her xirabîya xo kena milê FETO. Wezîro zama: “Beno ke tehqîqatî Roboskî newe ra bibo” vano. Hemê sîyasetmedarî AKP, dim derbeya fîyasko ewro xerabekerdişê Kurdistan, sedemî têkşîyayişî pêvajoya çareserî, sedemî raşîyayişîya deklerasyonê Dolmabexçe rexistina teror FETO îşaret kenê. No derhek de cevabî hemsereko cîwan Demirtaş, cevabî hemê ma kurdan o: “Cîzîr de bê hikumat mileçikê fir nêdeana. Qeymeqamî Cizîrî Fetulah Gulen, midurî asayiş ya Cizîrî zî Ekrem Dumanli tayîn nêkeno. Pêro tayîn kerdeyê AKP yî. Heger behsî provokasyonê beno se, no provokasyon provokasyonî AKP yo” vat.
Mistefa Şahîn