Felsefe no yo; “sûçê sîyaysî mekere’ sewsbîna ti sekenê bikere yanî ti ruşvet wenê, xerê peran top kenêy. Çete virazenê qet proplem nêbeno!
Hîris serrî yo ke mezgê komelî de hişê înan de nê hewa fikrîyayîş bîy.
Îqtîdarê AKP heyana ewro nê fikirîyayîşê felsefî ra tam aver nêşîya, ancax seba berjevendîyê xora tikê ver giroto. Bi hesYEan ra êke dewlete xorîne îdare kenêy hêzê xo tebeberî girotêy. Nînan mîyanê dewletê YED û YE bi hetê bandorî ra sermayeye yê û sewbîna lobî yê. Reyberê Şarê Kurd seba înan ra vano ke, nê dewlet mîyan de pêro pîya besteyê û paralele dewlete, ya zî otonom dewlete vano.
Bi qet gumano ke, nê hewa dîzyankerdîş dîrokê komarî de yew cayê taybetî tepîşeno. Ana aseno ke, îdareyê ke tasfîye benê cayê înan veng maneno. Yew kinar ra neteweyî tasfîye benê cayo bîn ra zî û bi teybetî AKP û cematî Gulenî cayê nê vengan dekeno.
Ordîyê ra tepîşe emînîyat; dadgehe ra tepîşe heyana perwerdeyî; MÎT û heyana walîyan cemat heme alanan de kerdo ke kadroyanê xo ra. Cemat bi tîfaqê hêzê teberî ra pîya bi xorînî ra rêxistinî bivirazo, AKP zî bi nameyê temsîlê fermîyetê dewlete ra PKK rey de şerkewtiş viraşt o. Bi serano ke seba nêy tifaqeya qirêjî ra, zaf der û dorîy kêfxeş bîy.
Wa ne CHP û ne zî MHP sîyaseta erjane nêkerê. Înan zî yew kinar ra erê daya no tifaqa qirêjî ra. Seba ke AKP hem dewleta nê gureyê cîyayey ra nika zî mîsalê rantey ra çîyê ke zanayeyî û eşkerayî vejîyenê raşte. Hem xora rant veynenêy, hem zî weş zanê ke verba Tevgere Azadî ra tena nêeşkenê şer bikerê bi tena ser lingan vinde, nê sebep ra yo ke Kirdistanî de seba rêxistinîya cemetî ra bêhuqsizeya înan ra musade kenêy û çimanê xo padanê. Nay ra zî îtifaqa ke ser dijmeneteya kurdan ser o virazîya ya, heme der û dora rantçîyan ra karê înan gurîyeno
Pekî nê tifaqa înan çîrê xire bîy
Problem bi rastey ra dersxaneyî bî? AKP Cematî ra, Cematî zî AKP ra hewceyî ya înan yewînan ra nêmendêy? Bi mana tengayî ra nê pêkewtiş mekezê îqtîdarî û bare kerdişê îmkanê dewlete bi no problem eşkera yo. Cematî, bi nameyê xizmetî ra gerek zerede û gerek tebera dest vistiştî ra yew ca nêmendo. Heme qademeyê dewlete ra qadroyê xo ranayî û ca dana bede. Hînê kora beno se hukûmat sembolîk maneno.
Nazî formalîta mendo. Cemat heyana ewro kamîk mijarê komelî ra alaqadar bîyo. Seba çareserî û muzakerî ra nîyetê înan raşte do. Zaf nîjadperest û înkarcî yê. Înan dewlete mîyanî de dizdeykerdiş o. Seba ke mijarê bezîrganey ra û hêzê kureselî bibê. Seba nê hewayî yo ke, AKP cematî ra va hînê vajê bes o, hînê vinderê. Çimkî cemat çîyo ke destê înan de ten ra înrê nêvetê heme îmkanê dewlete vaştêy. Helbet ke, nê rewşa Cematî ra der û dora AKP nê gîrdê rant û ruşvetî masum nênavnena. No rewşa peynî nawnena ke AKP çiqas qirêj bîya. Pêkewtîşê heme wirdîn kinaran zî hewayê karê kişikî yo.
Hamleyî, ser hamleyî ra cewap danê. Bi vernîye de pîyonan ra zafî rişîyayî kewtî, Estorî û fîlî zî şîyê. Enka newba wezîrî da. Ema hetê wirdîn kinaran ra zî seba mat kerdiş ra zaf wext esto.
Xelisîyayîşê Erdoganî ra yew tek çî mendo. O zî problemanê Tirkîya ra rast û samî mî ewnayîşê ey o.
MUSTAFA DELEN