KCK vist vîrî ke îxtidarê faşîst ê AKP, 7ê Hezîran de vera quwetanê demokrasî derbe viraşt vat: “Bi derbeya 7ê Hezîranî, siyasetê dişmenînê kurdan vilayê heme cayan kerd. General û fermandarê ke nika hewl day derbe virazê, rîştî sûkanê Kurdistanî.” KCK ard ziwan ke îxtidara AKP, general û sûbayê nika girotiyayê piya vera şarê kurd sûc kerdo.
KCK hewldanê derbe yê 15ê Tîrmeh zey peyniyê siyaseta AKP ê Kurdistan û Tirkiye hesibna û vat: Siyasetê bê çareserîn ê meseleya kurd û antî-demokratîkîn, tim Tirkiye de raya derbeyan akerdo. Cayê goş bidê wastenê azadiyê şarê kurd û gamê demokrasî çekirê de, siyasetê helisinayinê kurdan, esas girot. Çiyê winayin zî, zey vatena Rayver Apo, raya derbe akerd.
Xoverdayiş heqê tewr meşrû yo
KCK vat ke, eke Tirkîyeya demokratîk bibo û verniyê darbeyan bigeyriyo, wa şarê ma vera heme kerdenanê antî-demokratîk vejiyê û wina dewam kerd: “Gerek qe cayê astengîn, yasax û kerdenê antî-demokratîk nêsilasyo. Zey gama siftayin jî, rijnayinê yasaxê cayanê xoverdayişê xorayverîn û wayir-vejiyayinê taxanê xo bo. Gerek nêviradîyo, sûk û taxanê kurdan, açariyê kampanê siyasetê qirkerdin. Qandê hewadayişê rejîmê derbe ê Kurdistanî de, xoverdayiş heqê tewr esasî û meşrû yo. Çimki nika Tirkiye de, ne rayverînê demokratîk esto û ne jî Tirkiye de demokrasî esto. Vera kerdenanê antî-demokratîk ê AKP, tekoşîn meşrûyo û hetanî meseleya kurd çareser mebo û Tirkiye demokratîk mebo, tekoşînê hereketê azadiyê kurd zey vizêrî, nika ra tepiya jî, bi qerardarînê girda biramo.
BEHDÎNAN