AKPe ra ser Serêkaniyê operasyonê talan û wêran î

Eke no paket bibo se qanûn do Serêkaniyê ya Rîhaye AKP biga çarçiweya bedilnayişê şaristanî û peynî mal û milkê welatijan hewna tepa welatijan ra biroşa.
Esil planê AKP peynîya no qanûnê destpê bikero. AKP sifteyin çarçiweya projeyê xo axê dewlete ciya bikera û peynî zî bi Şaredarîya Serêkaniyê axê kurdan ser destser rona û peynî axê kurdan hewna tepa kurdan ra biroşa. 
Hetanê nika dewleta tirk çarçiweya polîtîkayê leyminî taybetê kurdan ra tapu nêdaya. Serêkaniyê di serra 1982’ê bîya qeza û nika nûfisê Serêkaniyê zî 78 hezar a. Hetanê nika qet no pirsgirêkê ser hukûmatan gam nêeştbî. 
Wekîlê AKPa Rihaye Abdulkerîm Gok îtîraf kerd ke ey û Wezaretê Xebatî Faruk Çelîk reyde no planî viraştî û peynî zî no planê Walîtîyê Rihaye ra eşrawitî. Taybetê Gok cayekê mal û milkê kurdan est o, zey warê qeçax mojna û vat ke tapuye înan çin o û no ser zî înan guya no biryarê girewtî.
Qewimyayişî ser welatij nameyê ey Halîl Aydin vat ke zatî înan dema ke ersayê xo girewtî pere day, hetanê nika zî baca xo danî, nika zî seba tapuye wazenê pere ê ra bigerî û ê hetanê nika her tim rîyê bêtapuye ser pirsgirêk ontî.  Hewna Îdrîs Poyraz zî aşkera kerd ke 30 serrê verê axê xo girewto û ser axê xo zî banê înşa kerdo la belê hetanê nika tapu înan ra nêday, eke hewna pere biwazî do no demî axî înan ra teslîm bikero û şîro kone de biciwo.
Fehmî Kahraman zî vat ke armanc AKP û şaredarî cebê xo pere barkerdişo, no ser no karê leyminî kaykenî.

ÎBRAHÎM POLAT/DÎHA / RIHA