Azayanê şaxê KURDİ-DER ê Amed çarçoveyê çalakîyanê Roşanê Ziwanê Kurdî de ver postexaneyê Ofîs de amey pêhet û tepişteyanê sîyasî rê qertî rusnay. Azayê Egîtîm-Sen, Şûbeyê TÛHAD-DER ê Amed, Akademîya Ehmedê Xanê, îdarekarê DBP û HDP ra pîya xêlê qeçekî (doman) zî tewrê aktivîte bî û sloganê ‘ziwanê ma rûmeta ma yo’ berz kerdî. Qeçekan zî meşkekê (balon) kiho, sûr û zerd yê bi nûşteyê kurdî hewaday.
Wayîrê ziwanê xo bivejyê
Hemserokê Şûbe yê KURDÎ-DER Ozan Kilinç’î qisey kerd û vist vîrî ke wayîrvejyayişê ziwanî bi qiseykerdiş û damusnayişê qeçekan beno. Kilinç’î da zonayen ke nûmayiş û aktivîteyî dê heta 15ê Gulane dewam bikerê û veng da welatijan ke wayîrê ziwanê xo bivejyê. Badê qiseyan komî qertê ke pîya ardî serva tepişteyan ruştî.
Heto bîn ra Salona Sînema yê Bûrhan Karadenîz yê Şaredarîya Sûka Pîl yê Amedî de kaya tîyatro “Masîşîyaye qijkek” amê damusnayen. Qeçek û ebeveynê ci ke salonî kerdî tî wextekê bi kêf vêrnay ra.
DÎHA/AMED