Nobeta Edalet û Wijdanî yê HDP Amed û Stenbol ra dima, vizêr zî Wan de badê qiseyanê Verfekê HDP Osman Baydemîrî dima destpê kerd.
Polîsan verîya ke wekîlê HDP destpê nobet bikerê, banê HDP dorpêç kerd. Wekilan ablûqa vîyarna û ver bi Parka Aştî yê Mûsa Anterî meşîyay. Polîsan welatijan tehrîk û tehdît kerdî. Herzewbîn bi behaneyê karta zerd çin a destûr nêda ke xebatkarê çapemenî vîyarê zerreyê parke.
Baydemîr: Ma dê nêvinderê
Rixmê pêrokîn zext û manîkerdişan çalakî badê qiseyanê Verfekê HDP Osman Baydemîrî ra dima destpê kerd. Baydemîrî manîkerdişanê polîsan rê nêrazîbîyayîş damûsna û aşkere kerd ke wijdanê însanîyetî nêşkeno vera zilmî bêveng bimano. Baydemîrî aşkere kerd ke wazenê hewldayenê wijdan û edaletî bi barîqatan manî bikerê û wina va: “Ma dê nêvinderê, faşîzmî bidê vindernayîş. Heta ke azadî û etalet bîro tesîskerdiş ma dê nêvinderê. Eke wijdanî bêveng bê, eke edalet nîro ca, hona vêşî do vinîkerdişê ganî bibo. HDP rayîra yegane yê qenalanê sîyaseta legalî, hereketê edalet û wijdanî dana destpê kerdiş.”
WAN