Partîya Demokratîke ya Şaran (HDP) çalakîyanê Nobeta Wijdan û Edaletî ra dima nika zî heme cayê Tirkîya de kombîyayîşê şarî reyde ameyîşê têhet organîze kena.
Na çarçewa de do Balikesîr de zî merasîmê aştîye bêro organîzekerdiş. Parlamenterê HDPyî yê Dêrsimî Alîcan Onlu zî seba ke beşdarê nê merasîmî bibo, şî Burhanîye û ewja de Cemxaneyî zîyaret kerd. Onluyî Cemxane de şarê herême reyde ame têhet, problemanê şarî goşdarî kerd.
Kombîyayîşo ke Onlu şarî reyde ame têhet, ewja de problemê elewîyan ser o ame vindetiş. Kombîyayîş de qala rêxistinîya elewî û cemxaneyan ameye kerdiş û derheqê şewatê ke Dêrsim de hetê hêzê dewlete ra ameybî destpêkerdiş û bi rojan dewam kerdbîy, ser o ame vindetiş. Reyna kombîyayîş de seba çalakîya ke rayberîya Federasyonê Elewî û Bektaşî (ABF) û sendîkaya Egîtîm-Senî de bêro kerdiş, vengdayîşê beşdarbîyayîşî ame kerdiş û bale ancîya muhîmîya beşdarbîyayîşê mîtînge ser.
STENBOL/PÎRHA