Vizêr ne perey TV’ya ARD ya Almanya de yew bername ame weşanayiş. Na bername de derheqê eleqeyê AKP û çeteyên DAÎŞ de zaf hayî ameyê vilakerdişî. No derheqî de verê cû zî medyayê Almanya de zaf xeberî amebî vilakerdiş.
Hîrê wezîfedarên dewleta tirk sey Muhamed Taha Gergerlioxlî, Goksel G., Ehmed Duran Y. înan zî hetê Dewleta Almanya ra ameybî tepiştiş. Goksel G.û Ehmed Duran Y. badê çend aşmanî ameybî veradayîş. La Muhamed Taha Gergerlîoxlî hîna tepişteyo.
Nê hîrê merdimî qey MÎT’ê tirk kar kenî. Giranî şarê kurd taqîpkenî. Ciwananê Kurd erzênî dom û deq û dolabê xo, şirawenî mîyanê çeteyên DAÎŞ’ê. Wazenî sey suîqestê Parîsê(şehîdkerdişê Sakîne, Leyla û Fîdan) suîqestêk bîn bivirazêne.
Serkeşîya înan Muhamed Taha Gergerlîoxlî keno. Gergerlîoxlî hem mişawîre Erdoxanî yo, hem zî mişawîre Ehmed Dawidoxlî yo. Zobî zî sey hetkar û ardimkarê Hakan Fîdanî zî yo.
MÎT’ê tirk ser nê hîrê kesan camî, weqf, komal, şîrket, mektebanê tirk îdarê û kordînê keno. Zobî zî camîyê şarê bîn ra zî tekîlî virazenî, uca de ciwanan rêxistin kenî û dima ra benî mîyanê çeteyên DAÎŞ’î.
Qey no karî, camîyanê dîyanetê tirk zî sey bîryargeh û qerargeh danî şuxulnayîş. Pêronê dezgehan tîya ra kordîne kenî.
Taybetî Kolnd de yew camîya dîyanete tirk ya bi nameyê Camîya Ehrenfeld esta. Na camî de kombîyayîş virazenî. Na camî de qeraran gênî. Na camî de xo rêxistinkenî. Tîya ra şaxe xo vilakenî.
Pêronê çîyanê xirab bin nameyê Dîne Îslamî raverbenî. Xora AKP weçînayîşê 7’ê Hezîrane de zî ser camîyan propaganda kerd. Ser camîyan însanî berdî ser sindoqan. Ser camîyan rayî komkerdî.
Mi bi çimanê xo dî ke,AKP camîyê dîyanet ser ra senî însanan siware erebeyan kena, bena rayan dana şuxulnayîş. Erebeyên ke pê înan însanî ardêne û berdêne pêronê înan aye dîyanete bî.
Camîyê Dîyanete Tirk yê Almanya camîtî ra vejîyayê bîyê qerargehe AKP. Bîyê cayê propangandayê AKP. Bîyê cayê qerargehe çeteyê DAÎŞ’ê.
Almanya de kam ke seba DAÎŞ yeno tepiştiş, eleqe ey û camîyanê dîyanet ê tirk vejîyeno werti. Hamburg de hinayo. Koln de hina yo. Bremen de hina yo. Berlîn de hina yo. Kamcîn bajarê Almanya de camîya dîyanete tirk esta, a camîye de rêxistinkerdişe çeteyên DAÎŞ vejîyeno meydanê.
Şarê Kurd gere no hetê ra zaf hîşyar bo. Gere yew doman û tute xo nêşirawo camîyanê dîyanetê tirk.
Oyo ke wazeno doman û tunanê xo bişirawo camî, wa bişirawo camîyanê Civaka Îslamîya Kurdistan(CÎK).
Şarê Kurd hina bikero, eşkeno doman û tutanê xo hemberê dewleta tirk û çeteyên DAÎŞ’ê bipawo.