Artêşa tirk û çeteyê ci 9ê Teşrîna verêne ra nata seba ke Vakur û Rojhelatê Sûrîye dagîr bikero, bi tanq, top û teyarayan hêriş kena. Netîceyê hêrişê dagîrkerîye yê artêşa Tirk û çeteyanê ci de heta nika bi seyan kesî ameyî qetilkerdene û hendêna zî birîndar bîyî.
Vera hêrişan de her ke şono reaksîyonî zêdeyêr benî. Welatanê Ewropa ra Almanya, Swêd, Swîsre, Fransa, Hollanda, Danîmarka, Îtalya, Avusturya û sewbîna xeylê cayan de çalakîyê Kurd û dostanê Kurdan bêmabên dewam kenî.
Bitaybetî bajaranê Almanya ra Koln, Stuttgart, Lahr, Heîlbornn, Dusseldorf, Saarbrucken, Leîpzîg û sewbîna cayanê bînan de bi hezaran Kurd û dostê Kurdan dagîrkerîye û qetlîyamanê artêşa Tirkî protesto kerd. Çalakgêran beyraqe û posterê Rayberê şarê Kurdî Abdullah Ocalanî akerdî û çalakîyê tewir bi tewirî viraştî. Çalakgêran qiseykerdiş û siloganê ke hêrişê dagîrkerîye şermizar kenî eştî û çalakgêran raya pêroyî ra waşt ke wa hêriş û qetlîyamî bêrî vindarnayene.
BRUKSEL