Almanya de 8 siyasetmedarê Kurd, bi sebebê gurweyinê siyasî girotiyayê. Nê siyasetmedarê Kurd, çarçoveyê madeyê 129b, (gurweyînê teror) ke wezîrtiyê edaletî îzin dano ra, tepişiyayê.
Pawitoxanê 8 siyasetmedaran, verra no destûrê teybet kewtî hereket. Pawitoxan muracatê Wezîrînê Edaletî kerd û wastî ke, o destûrê teybet, ke serva-semedê mehkeme-kerdinê siyasetmedaranê Kurd dano, wedaro.
Pawitoxan zey sebeb zî, siyasetê asîmîlasyon ê dewleta Tirk û xoverdayişê heqdar ê şarê Kurd mûsnayo û wina vato: Dewleta Tirk wextê ronayinê ra hetanî nika, verra Kurdan siyasetê asîmîlasyon û qirkerdene ramena. Zey nimûne teniya Dersim de, serranê 1937 û 1938’î de, nezdiyê 50 hezar sivîlî kiştî. Şarê kurd jî hertim verra na siyasetî xo ver da. Serranê 70’î ra na het zî, Kurdî bi rayverîna PKK de, verra dewleta Tirk xo ver danê. Waştenê Kurdan yê çareserînê siyasî, hetê dewleta Tirk qebûl nêbenê û siyasetê lej-herbî ramiyena.
Waştenname de eleqe anciya tekoşîna PKK ya verra çeteyanê DAIŞ ser zî û wina vajiya: Bi xoverdayişê vera çeteyanê DAIŞ, dinya zî heqdarînê Kurdan û PKK dî. Jew hereketo ke verra siyasetê qirkerdin û çeteyan dano piro, ey zey terorîst vînayin, çiyê bê mahne û siyasî yo. Almanya zî çarçoveyê no siyasetê bê mahne de, siyasetmedaranê Kurd gêna û bi destûr-îzinê xisûsî-teybet înan mahkeme kena. Ma Almanya ra wazenê ke goreyê rastîn hereket bikero û destûrê xisûsî yê verra siyasetmedaranê Kurd wedaro.
ANF