Hetê pêroyî de 18 serrî yo û bitaybetî zî no 6 serrî yo ke Rayberê Şarê Kurdî Abdullah Ocalan binê tecrîdêko girankerde de yo. Roja ke Ocalan ameyo tepiştiş ra nata çalakî û reaksîyonê kurdan dewam kenî. Pêroyî de çar parçeyê Kurdistanî de, bitaybetî zî Ewropa de çalakîyê seba azadîya Ocalanî yenî viraştiş, dewam kenî.
Merkezê Komelê Kurdî yê Demokratîke yê Almanyaye (NAV-DEM) îzehetêko nuştekî da û îzehetê xo de bale ant ser çalakîyê ke do seba azadîya Rayberê Şarê Kurdî Abdullah Ocalanî bêrî viraştiş ser. NAV-DEMî îzehetê xo de veng da heme sazî û dezgeyanê kurdan û seba ke beşdarê çalakîyê ke bêrî viraştiş bibî, hesasîyet waşt.
NAV-DEMî îzhetê xo de wina vato: “Ma veng danî cinî, ciwan, Yewîya Hêzê Demokratîkî, HDKA, F-CÎK, dezgeyê êzidîyan, FEDA, PYD û heme dezgeyî Kurdistanî û heme şarê xo, wa beşdarê çalakîyan bibî.”
Mîtînge û meşîyayîşê ke planê înan ameyo viraştiş, nê yî: “9ê Teşrîna verêne de Hannover de saete 15.00 de, 7ê Teşrîna verêne de Bremen de saete 14.00 de, 7ê Teşrîna verêne de Hermannplatz Berlîn de saete 15.00 de, 7ê Teşrîna verêne de Dusseldorf de saete 13.00 de bêro viraştiş.”
ANF - BRUKSEL