Roniştişê dawaya Hemşaredara Dersim Nûrhayat Altûn ke tepiştî yena mahkemekerdiş û derheqê ci de 22.5 serr ceza yeno waştiş, vizêr Mahkemeya Cezayê Giran ê Dersim de amê dîyayîş. Altun a ke 8 aşmîyo tepiştî ya serbest nêamê veradayen. Dawa apey erzîya 23ê Cotmenge.
Altûn ke 16'ê Mijdara 2016’î de amê tepiştiş û bi îdîayê “Îdarekara rêxistine” yena mahkemekerdiş, Girotxaneyê Tîpê F ê Kandira ra bi rayîra SEGBÎS’î tewrê roniştişa 1. bî.
Pawitoxê Altûn Reyhan Yalçindag, Barış Yildirim, Fatma Kalsen û Sûna Bîlgîn roniştiş de hadre bî. Îdîanameyo ke 113 rîpelî yo de, 22 îzahatê ke Altûn mavêna 2015 -2016î de Dersim de dayê zey sûcî amey damûsnayîş. Reyna rîwalo ke Altûn tewrê merasîmê cenaze, Mîhrîcana Mûnzûr, 8ê Adare û tewrê xebatê KCD û yê DBP bîya, zey sûc amey vînayîş. Rojnameyê Binevş ke keye de ame vînayen zî zey delîl ame damûsnayîş.
Altûn pêrokîn îdîayan red kerd
Hemşaredara Dersim Nûrhayat Altûn, verîya pawitişê xo bikero, pêrokîn îdîayê derheqê xo de red kerd û ard ziwan ke KCD rêxistinêka qanûnî ya.
Pawitox Bariş Yildirim û Reyhan Yalçindag zî pawitiş kerdî û vistî vîrî ke pêrokîn xebatê muwekila înan qanûnî û rewa yê. Pawitoxan waştî ke Altûn serbest bîro veradayen. Heteyê mahkeme bi sebebê kêmîya delîlan dawa taloqê 23ê Cotmenge kerd û Altûn serbest nêverada.
DERSIM