Bankaya Kincan, bi îmkananê Şaredarî û zerrîdaran ameya akerdiş û tede kinc û bergê gede û cenîyan estê. Serokîya Daîreyê Karê Komelî ya Şaredarîya Şaristanê Girdî ya Amedî, semedê çareserkerdişê meseleya feqîrî gamanê muhîman erzena. Na çarçewe de Sumerparke de Bankaya Kincan ame akerdiş û kesê destteng û feqîrî eşkenê uca ra lazimeyê xo bîyarê ca. Seroka Daîreyê Karê Komelî Semra Kiratli derheqê Bankaya Kincan de zanayîş da. Kiratli îzah kerd ke semedê keyeyanê desttengan xebatanê xo domnenê û wina vat: “Ma do dew û taxan de bigêrî û kesanê feqîran ra vajî; wa bêrê na banka de lazimeya xo bîyarê ca. La no kar tena ma ser o nêşino. Lazim o ma pêro dest bierzê ci.
Bankaya Kincan de keyeyê ke mîyanê Sûrî ra koç kerdê zî feyde vînenê. Ma ê keyeyan zîyaret kenê û lazimeya înan tespît kenê. Ma wazenê wa her kes destek bido na xebate û ardimanê xo biko.”
Kiratli peynî de wina va: “Kesê ke wazenê hetkarî bidê na kampanya eşkenê no hesab ser o desteganê xo bidê: Vakıflar Bankası TR 71 0001 5001 5800 7304 2845 16”.
AMED