Bajaranê Kurdan de wesayîtê zirxinî yê dewlete ver heta nika xeylê kesî ameyî qetilkerdene. Bajaranê Amed, Şirnex, Mêrdîn, Dêrsim û xeylê cayanê bînan de netîceyê pelçiqnayîşê wesayîtanê zirxinan de bi desan cinî, doman û extîyarî merdî.
Tewr peynî bajarê Amedî de wesayîtêkê zirxinî da domanêko 6 serrî ro. Qezaya Rezanî ya Amedî de Taxa Emekî de wesayîtê zirxinî yê polîsan da domano bi nameyê Efe Tektekîno 6 serrî ro û ci eciqna. Tektekîno ke xidar birîndar bi, ame berdene bi Nêweşxaneyo Taybet ê Sûltanî û dimayê teşhîsê gonîşîyayîşê mezgî Tektekîn ame berdene bi Nêweşxaneyê Fakulteyê Tibî yê Unîversîteya Dîcle. Ame vatene ke tehlukeyê cuye yê Tektekînî dewam keno.
Tayê esnafê ke bîyî şahidê hedîseyî, dîyar kerdî ke 2 kesê ke hedîse dîyo, hetê polîsan ra ameyî berdene bi Mudirîya Asayîşî.
AMED