Kurdîstan û Tirkîya de operasyonê tepiştiş û tewqîfbîyayîşî dewam kenî. Hêzê dewleta tirkî ke Amed de operasyonê leşkerî virazeno, eşt 107 keyeyan ser. Qezayanê Licê, Karaz, Hezro û 76 dewe û mezrayanê pabesteyê Amedî de bi ‘qedexeyê tebervejîyayîşî’ 29ê teşrîna verêne de operasyon amebi destpêkerdene.
Bitaybetî zî herêma bejike yê başûrê Licê de bi xeylî leşkeran, yewîyanê taybetan û wesayîtanê zirxinan operasyonêko gird yeno viraştene. Qedexeyê tebervejîyayîşî saetanê şewe yê 31ê teşrîna verêne de ame wedartene. Dima ra zî hêzanê dewleta tirkî eşt 107 keyeyan ser û ewnîyayî GBTyê (zanayîşo pêroyî) hemwelatijan ra.
Çarçewaya operasyonanê qirkerdişê sîyasîyî de hemserekê şaredarîya DBPyî ya Êlîhî Sabrî Ozdemîr zî tede xeylê kesî tepişîyayî. Merkezê Êlîhî û qezaya ci Kercews zî tede sereştişanê ke vizêr saetanê sibayî de ame kerdene de 10 ra vêşêr kesî tepişîyayî û ame vatene ke operasyon hewna dewam keno.
AMED