Konseya Şaristanî çarçiwe kampanyayî de bi armancê zaf dewan de akerdişê pirtûkxaneyan de, pirtûkxaneya ewil do dewa Cıkse ya ke girêdayî qezaya Pasûrî de bêro akerdiş.
Konseya Şaristanî ya Amed bi dirûşmeya “yew zanayîş reyde ma hezar heskerkerdişî kewe bikerî” vecîya rayîr û semeda ke heskerdişê wendişî bido awankerdiş kampanyaya pirtûkan da destpêkerdiş. Pirtûkêy ke bi rayîrê awankerdişê standan reyde do bêrîy komkerdiş, raya ewil do semeda 18 mekteb û keyeyê dewî rê bêrîy erşawitiş. Tîya de armanç no yo ke zaf dewan de pirtûkxane bêro viraştiş. Verfeka Konseya Şaristanî Fevzîye Sumer vat ke ewil semeda 18 dewan ma no kampanyayî dayo destpêkerdiş û verê nika zî bi kampanyayê no hawa tena Amedî rê ney, ma zaf dewanê şaristananê dormareyan rê zî pirtûk erşawitbîy.
Çimeye îlhamî Ocalan o
Sumer ard ziwan ke çimeyê îlhamî serekê şarê kurd Abdullah Ocalan o û wina domna: “Ma seyî Konseya Şaristanî tena akademîyan de ney, dew û taxêy ke dewîy pê resenîy de ma wazenîy pirtûkxane awan bikerî. Ma no kampanyayî ra tena Amedî ra sîndordar nêewnênîy. Duştê ewil 9 hezar pirtûkêy ke Marmara û Antalya ra amey resay destê ma. Bêxra înan pirtûkêy ke Behra Sîyayî û Anatolyaya Mîyanên ra ameyî zî destê ma de yî. Ma wazenîy ke çandek wendişî ya hembar aver bîşêrîy.”
Pirtûkxaneya ewil
Sumer bal ant ser eleqeyî û wina vat: “semeda paştedayîşê wendekarîy bi dirûşmeya “Her keye de ma yew pirtûkxane awan kenîy” xebat dayî destpêkerdiş. Esil armancê ma dewanê ke ciwanîy tede zaf î de awankerdişê pirtûkxane yo. No çarçiwe de ma do pirtûkxaneya ewil dewa Ciksê de biakerîy. Kampanyaya ma do heta aşma elûle dom bikero”
JINHA/AMED