Serva verîgirotişê qetlîaman vizêr pêrokîn qezayanê sûk ra welatijan verê xo day sûr. Qûwetanê dewlet bi bombeyanê gaz êrişê nûmayişkaran kerd. Nûmayişkarê ke bi sî (kemer) û molotofkokteylan cewab day êrişan sloganê zey “Bicuw xoverdayişê Sûr” berz kerdî. Nûmayişkarê ke qabê şiyayişê Sûr resyay Ofîs tewrê xoverdayiş bî. Pêrokîn kuçeyanê Ofîs de welatijan barîqatan ronay û rayan trafikî ra girotî.
Pirodayişê mavêna nûmayişkaran û qûwetanê dewlet vilayê pêrokîn kuçeyan bî. Qûwetê dewlet yê ke nêşay xoverdayişê şarî bişikînê xêlê kesî girotî bin çiman.Heto bîn ra, welatijê ke Sûr de mexsûr mendê zî, nûmayişê Amedijan selamî kerd û vatî baweriya ma bi şarê Amedî ra esta.
DÎHA/AMED