Dejake gird
Amîn ciresna ke girekî nêzdî Pirsûsê bi armancê ke paştî bidê şarê Kobanê bi hezaran kes kom bîyê û benî şahîdê hêrişê giran ê DAIŞê ke verba Kobanê pê yena. Amîn dîyar kerd ke vengê çekan ê Kobanê ra yenê hesîyayiş û wina dewam kerd: “Temaşkerdişê veşîyayiş û rijnayişê Kobanê, qetilkerdişê merdiman, dejake gird dona merdimê.”
Amîn dest nîşan kerd ke kurdê di heremê nêrazîbîyîşê tund nîşan welatê ke mudaxaleyê DAIŞê nêkenê danî û wina domna: “DYA, Fransa û Îngîlistan mudaxaleya hewayî kerdî la no zî seba vindernayişê DAIŞê yena kerdiş qiym nêkena. Wa NP mudaxeleyî rewşê bikero. Wa hem bejayî hem zî hewayî operasyon bêro destpêkerdişî. Rewşa Kobanê stratejîk o, di rewşa ke Kobanê bikewo nê hêrişê Efrîn û heremê sewbî bikerê. DAIŞ Sûrîyeyê ra zaf, hêzê qezenc bikero. No ser zî wa çeteyê DAIŞê bêrê vindarnayiş.”
Terora hukûmata AKP
Amîn nêrazîbîyîşê nîşanî terora hukûmata AKPê ya verba şarê ke di papolan de paştî dona Kobanê kerd û wina qedîna: “Heqê şar ê ke fikr û nêrînê xo bîyarê ziwan, hukûmeta şermezar bikero. Lejkerê tirk bi tanq û topan qetikerdişê kurdan temaşe kena. Seba verê qirkerdişê bigêro, qet çikekî nêkena. Sînorê xo gêna û no zî ver bertekan akena.”
STOCKHOLM/ANF