NAZIM DAŞTAN / MA / RIMÊLAN
Amiranê DAIŞî ra Îlyas Aydino ke hetê Hêzê Sûrîyeya Demokratîke (QSD) ra esîr amebi girewtene, derheqê operasyonê Dêra Zorî û prosesê vilabîyayîşê DAÎŞî de qisey kerd.
Aydinî va ‘wexto ke operasyon dest pêkerd, warê ma teng bi’ û wina domna: “Operasyon ra dima problemê ma dest pêkerdî. Hûmara ma zêde bî û ma hewl da ke tayê çareserîyan bivînî. Mi seba ke keyeyê ma esîr nêkewî, tayê raporî amade kerdî û pêşnîyaz kerdî. Ma El Nusra ra zî hetkarîye waşt. Înan do hetkarîye bidayêne ma. Labelê raporê mi hetê Bexdadî ra ame redkerdene. Dima ra se bi, 80 hezar keyeyî teslîm bîyî.”
Aydinî qala welatê ke piştî dayêne çeteyan kerd û wina va: “Wexto ke rewşe tayêna bîye xirabe, tayê welatan hewl da hemwelatîyîye bidî ma. Heta nê welatan bi hawayo fermî vatêne. Nê welatan ra Qatar, Endonezya, Tunus û Tirkîya nê pêşnîyazî berdî Amerîka rê. Bitaybetî hukmatanê Îhvankaran hewl dayî tayê çîyan bikerî, labelê nêbi.”
Aydinî va ‘badê ke mi rapor pêşkêşê Bexdadî kerd, ez û îdarekarê DAÎŞî ma ameyî têhet’ û wina dewam kerd: “Înan ganî ez bikerdêne berpirsîyarê Tirkîya. No derheq de mi reyde kombîyayîşo ke 6 saetan dewam kerd, viraşt. Mi derheqê Tirkîya de melûmatî dayî înan. Înan dî ke ez zaf çîyanê rindan kena, derheqê mi de raporêko negatîf da merkez. Bitaybetî kişîyayîşê Ebu Adnanî ra dima ez zaf çîyan ra ameya durîkerdene. Xora badê ke Ebu Adnanî û Ebu Fûrkan merdî, rêxistine dest bi vilabîyayîşî kerd.