Xona domon bîyo, min zilmê na dewletê dî. 6 serrî bîyo, xorê sîyo mektep. Zonê tirkî nezanîtenê. Ma domonu rawu wolagonê dewede zonê xo qeseykerdenê. Zonê ma yasax bî. Maîlîmu peydona mektep dê denê maro. Ma rê zilm kerdenê. Marê îşkence kerdenê.
Na herb qe nêxelesîya. Hêr oxt bî. Zilmê dewletê nêxelîsîya. Zilmê Hepsè Amed ma xo vîrra nêkerd. 1984 na hêt 30 sêrro herb esto. 40.000 înson kîṣt, merdî. 4000 dewî kerdî tal. Dewletê kirmoncî cê înêra, hardê înêra bê zordarîyê eṣt tevêr. Mîlyon înson bî perîson.
Nîka kirmonc aṣîtîyê wazenê. Newazenê xona zaf gon sero. êndî beso. Codîr, dewletê de qeseykenê, têy qeseykêrdî. Hama dewletê wazena kirmoncu bî xapîno. Ekê hata nîka vatenê; ma asîtîyê wazen me, nîka vecîyo hortê, dewletê zur kena.
Tayyîp Erdogan vêcîya oxtê wecînayîstê vat. Mesala kirmoncîn cîna, ma her cî da sîma, endî cî wazenê. Kirmoncî înkar kêrdî. Hên vacmê hata nîka zur kerdenê, nîka nîyetê xo kerd eskera.
Rovajawan dê arê kirmoncu bê DAIŞ de herbo de gîrs esto. Hêr roj cenekê ú xortê kirmoncu mîrenê, benê ṣehîd. Zerrê mara gon sona. Dewleta tirk cêku dana DAIŞ, poṣt dana ci. Sîndoronê xo kena ya. Terorîstê DAIŞ hêr oxt destone xo sane ra, yenê sonê. DAIŞ Girê Sipî dê bîbê cîronê Tirkiya, vengê nevetenê. Kêyke YPG û YPJ, Girê Sipî azad kêrd, Erdogan zêrre guret. Bîrra, ma lewê sîndore xo dê musadê nekenmê ju dewletê vecîyo. DAIŞ lewê sîndor dê bî. Erdogan zêrre nêgurêt bî. Vengê xo nêvetenê.
Hên ravêr ṣîkê, xeleṣîyana Girê Sipî ra pêydo, 7-8 roj pêyder pêy pîllê dewletê amay ju ca, vat; PYD DAIŞ ra zedê xîrabîna. Eskêr, panzêrî rusnay sîndorê Rojawan, kirmoncu têhdît kenê. Vanê; kunmê Sûrîya, cên mê bînê bandura xo. Zur kenê vane ma wazên mê DAIŞ dê herb bîker mê. Nu zuro. Zuro dê gîrso. Dewleta tirk dîsmenê kirmoncona, newazêna kirmonc xorê azad bê, hardê xode bîmanê. Ekê dewleta tirk kuna Rojawan, bîzanekê wazêna DAIŞ rê waîrîn bîkêro. Wazêna îrtîbatê dewletê bê DAIŞ ra mexeleṣîyo. Na dewletê dîsmenê kirmoncu, dostê DAIŞ ya. Nu nîyayu. Mak nî nîya zanên mê.
Huseyîn ÇATAL