Sera ku xelesyaya zilm û tedayê ku tede virazyayê hew bivirazyêy duay kerdê. Zehf dewêlande şewa sera newî şewa roşan (cejn)î ya. Na erdnîgariya ma de jî na şewe bi keyf û coş amêy pîrozkerdiş. Her mintiqa bi gor urf û edetê xo bi awêka pîroz kerdê. Zey kal û pîr gedan xo gire dayê. Kê bi kê geyrê çiyê werî pêrasnayê. Yinerê duêy başiye, dewlemendiye kerdê. Zad û zexîroyeko antê pêser kêyêke de pewtê. Temamê yê a taxe, teydir werê xo werdê. Şewêka zehf weşe derbas kerdê. Vilay biyê. Na erdnîgariya me de zehf zilm û zordariye virazyenê. Hêviyê ma hemin sera newî de nê raynê nêvirazyê. La çi heyf tenê na sere a derbas bîye de, semed ma kurdan çiyê ma û merdimatî xo vîr ra nêkero qewemyay. Se sero pirsgirêkê kurdan na erdnîgarî de, her çiqas nê serê peyinan de amewa cêke zî hemay verpers a. Hîrê serî verî qetlîamê Roboskî bi destê dewlete, bi teyaranê şerî virazya, la mixabin heta eyro ti kes sûcdar nêame diyayiş. Hîris û çar cenazey, teyare diyar, pîlot diyar, yênêko telîmat û emir do diyar. Wezîr û serokwezîr diyar. Yinan ra ti kesêk nêame daraznayiş. Seyin gemariya serê 1990 yan ku hende dewî wêşyay, hende failê yênêko kerd diyar bi hezaran qetlîame virazyay. Ti kes nêamey girewtiş. Ti kesîra hesab nêpersya. Yinêko kerd terfiya berzî girewt. Kurdan qatilê ku bidest û derfetê xo girewti zî, (Şemzînan de Pirtuk xanê rayheval Seferî YILMAZ î de, bi aletanê sûcî, sûcî ser) verpersan ma yine nas kenê: “Yê domanê ma yê başê” vat. Verniya verpersê yine girewt.Ma hêviyê qatilê yê ey wextî vecyê duşt dade. Ma awnenê eyro hetêka diyalox û ver bi muzakere, heto bînra zî qetlîamê newey. Raynê verpersî, qatilî yenê muhafaze kerdiş. Raynê engîşta dewlet, dewleta xorî, an dewleta paralel. Zey bernamêkê TV IMC de birêz Hatîb DÎCLE vat; şêwirmendê sera 1993-1994 yê dewlet ku serok wezîr ÇÎLER kambi ewro çi kar keno. Çira hesabê yê rojan nîno persayiş. Tenê yê nê. Ka qatilê siyasetmedarê kurdan ê ku Parîs de amey qetil kerdiş. Qatilê 6-8 ê menge de, qatilê înfaz kerdişê 4 merdimê Çewlig. Wexto kişte Kurd bo qatil nîno vînayiş. Raynê serkewtişê ROJAWAN û xoverdayişo bêhempa ŞENGAL, MEXMÛR û KOBANÎ de yeno dayiş. Raynê zî sere wedardişê kurdan yê vakurê Kurdistanî yê 6-8 ê menge heme merdimatiye rê sera newî de beno omûd. Bi hêviya sera newî bibo wesîla qencî, başî û yê demokrasî. Nê pêro zî tenê bi rêxistinî bi dest kunê. Ma ewro ra pey henî zêde bi rêxistin bibim, rêxistinî zêdekerim, xutkerim.
Nesîp GULTEKÎN