Ma heme bajarê xo fikrîyenê
Qalîkerdişê ewilin Serekê DOGÜNSİFEDî Şahîsmail Bedirxanoglu kerd û dim ra zî Hemşaredar Firat Anli vejîya kursî ser û wina vat, “Her çi ra ver her çendêk zî temsîkarîya ma sazîyanê ma de estbo zî lazimo merdim ge-ge fikranê xo vajo. Ez eşkena vajî ke heme bajarê xo û şarê xo fikrîyenê. Prosesê aşitî prosesêko zaf muhîm o lazimo tenya sîyaset eleqedar nêkero. 76 mîlyon kesî pawenê ke wa aşitîyê bêra welatê ma.”
Anliyî behsê weçînayîşê 7ê hezîrane zî kerd û wina vat “7ê hezîrane de sindoqan ra çi vejîyo wa bivejîyo ma tira hurmet kenê. 8ê hezîrane zî ma kam ca de mendê ma gereke oca ra dewam bikere.”
Anliyî dazanayîş ke binesazî ra bigêr heta bîyayîşê bajarî Enqere gelek çîyan de eşkenê semedê Amedî zaf çîyan bikero û wina vat: “Ma zî wazenê semedê bajarê xo çîyan bikere. Zerra ma verê kam partî de bo wa bibo ma gere heme bajarê xo bifikre. Semedê ortera weradayîşê ferqê bajaran lazimo mekanîzmayêk bibo. Kam çi keno nêkeno ma zanê. Lazimo ambargoya ke bajarê ma ser de ya bêra wedartiş.”
Anliyî ra dima Waliyê Amedî Huseyîn Aksoy zî qalîkerdişê xo de îdareyê DOGUNSİFEDî yo newe ra serkewtiş waşt.
NAVENDA XEBERAN