Goreyê xebera diyarnameyî, kitabê ‘Şakarê Muzîkê Kurdî’ arşîvêko muhîm pêşkêş keno ke hetê Zeynep Yaşe ameyo hedrekerdiş. Nuştox û cigêrayox Zeynep Yaş, dewa Eybaranî ya Sêrtî de ameya Dinya, Stenbol de Unîversîteya Marmarayî de beşe Ziwanê Fransî û Perwerdeyî wenda. Kultirê kurdî ser o zaf cigêrayiş kerda. Yew zî înan ra muhîm zî ‘Şakarê Muzîkê Kurdî’ yo û di cîldê pê yeno, nê kitabê ke hetê Şaredarîya Bajarê Girde ya Amedî, serra 2015î de ameyo çapkerdiş de cigêrayişêko hera muzîkê kurdî ser de ameyo pêşkêşkerdiş. Cîldo yewin serdemê 1803-1930î serî yo û cîldo diyine zî serrê 1931-2019î serî yo. Her di cîldan de bi desan muzîkarê kurd cuya, muzîk û notayê muzîkê înan ca gênê. Kitab bi Evdalê Zeynikî dest pê keno û hetanî hunermendê nika yeno. Cigêrayox Yaşe, deyrbaz û stranbêjê bîn zî kitab de dana naskerdiş. Evdalê Zeynikê, Xosrof Malool, Seyîd Elî Esxer Kurdistanî bigê hetanî Kawîs Axa, Meyrem Xan, Adik bigê hetanî Hesenê Çûçê, Hesen Cizîrî, heta Elî Tico, Xelîl Sediqî, Hesenê Mamlê zaf bi cuya û hunerê xo mîyanê kitaban de ca girewtê. Her wina kitab de CDê muzîkê înan deyr û klaman zî ameyê pêşkêşkerdiş. MERKEZÊ XEBERAN