Netîceyê operasyonanê ke Hêzê Sûrîyeya Demokratîke (QSD) viraştbî de bi hezaran Êzidîyî amebî xelisnayene, labelê hîn derheqê 2 hezar 966 Êzidîyan de ti xebere çin a. Şengal de hêrişanê DAÎŞî ra ver 420 hezar nifûs estbi.
Hêrişanê DAÎŞî de bi hezaran şengalijî amebî qetilkerdene û 6 hezar kesî zî ameyî remnayene. Hêrişan ver cuya 300 hezar Êzidîyan kewt tehlukeyî mîyan. Hêzanê YPG û YPJyî resayî hawara şengalijan û mabênê Koyê Şengal û Rojawanî de korîdorêk akerd. Goreyê melumatê selahîyetdaran, 360 hezar Êzidîyî nê korîdoran ra derbaz bîyî û kampanê ewleyîyan de ameyî bicakerdene.
Netîceyê hêrişê sifteyînî de 1293 Êzidîyî amebî qetilkerdene û goranê komkîyan de ameyî definkerdene. Dima ra nê goristanî ameyî dîyayene. Goreyê melumatan 80 gorê komkî ameyî dîyayene. Reyna pêro pîya 6 hezar 417 Êzidîyî ameyî remnayene. 2 hezar 561 domanan may û pîyê xo vînî kerdî. Heta nika 3 hezar 451 Êzidîyî ameyî xelisnayene û aqubetê 2 hezar 966 kesan nîno zanayene.
MA / AMED