Muxabîrê ajansê Rojnewsî Zubêr Bradostî 11 rojî yo ke hetê asayîşê PDKyî ra ameyo tepiştene û ti xebere tira nîna girewtene. Komîteya Pawitişê Rojnamegeran (CPJ) hedîse ser o eşkerayîyêk daye û waşt ke wa Bradostî cade serbest bêro veradayene.
CPJyî da zanayene ke Zubêr Bradostî hetê îstîxbaratê Fermandarîya Helgurdî ya ke girêdayeyê Partîya Demokratîke ya Kurdistanî (PDK) yo ameyo tepiştene û 10 rojî yo ci ra xebere nêna girewtene û nêvejîyayo mehkema.
Temsîlkarê Rojhelatê Mîyanênô û Afrîkaya Vakûre yê CPJyî Ignacîo Mîguel Delgado zî qisey kerd û wina va: “Îdarekarê Kurdanê Başûrî xo sey demokratîk ramojnenê la bîlaheq tepiştişê rojnamegerêk dîktatorîye ya. Ma veng danê Hukmatê Herême ya Kurdistanî ke wa Zubêr Bradostî cade serbest veradî ya zî derheqê aqubetê ci de zanayîş bidê.
ROJNEWS/HEWLÊR