Koşar verba DAIŞî têkoşînake danî ser qise kerd. Koşar aşkera kerd ke dema ke kilm a MFS seba xelisnayişê dewê Tîl Hemîse destpê operasyonê kerda û wina vat: “Ma bi hêzê YPGYPJ reyde têkoşîn danî. Ma hetanê nika di zaf hûmarîy de dewê ma destê çeteyan ra xelisnay û hema zî kontrolî nê dewan destê ma de yo.”
Demo vîyarteyî de destê çeteyê DAIŞî, dewê Tîl Maruf, Reya, Şermuk, Hareke, Ebu Xazaf û Ebu Xesayb ameybi xelisnayiş û nê dewan nika tena hêzê MFS û YPG/YPG manenî.

TÊKOŞÎN MA BIDOMYO
Koşar destnîşan kerd ke na yew serrake çeteyê DAIŞî di no heremê amey û wina dewam kerd: “Di mîyanê mewzî ma û çeteyê DAIŞ sibeh 2 km yo la şewe zî no mesafe hetanê 500 metre kewena. Ma taybetê verba çeteyê DAIŞî xebatê pusuyî şuxulnenî. Eke çeteyê DAIŞî ser Kobanê bironî, di no demî hedefê xo ra kantona Cizîre bigêrî. Cizîre de zî taybetê şarê suryanî û asurî cuyenî. Ma bawereke do zatî Kobanê nêkewo la teluke hêrişkerdişî ser Cizîrê Kobanê domyeno.

ELAQA ZAF BENO

Koşar ciresna ke her ke şona elaqayê şarê asurî û suryanî MFSe ra gird bena û wina domna: “Şarê ma dîy ke kesekê Gozartoye pawiyenî, no ser zî şarê ma zaf memnun o. Her ke şona MFS û Sutoro ra beşdarbîyîş zafîyena. Ewropaye ra zî di zaf hûmarîy de xirîstîyan yenî beşdarê MFS benî. Nika destê ma de çekê bîksî, kalaşnîkof û RPG est o la tewr gird çekê ma îradeyê ma yo. Ez noca ra şarê asurî û suryaneke di Ewropaye de cuyenî, înan peyam dana; ma lejkerê şarê xo yê û ma seba azadîya şarê têkoşîn danî.”

CIZÎR