Fermandarînê Navendê Pawitinê Şarî eşkerekerdişê da û eleqe ant hesabanê qilêrin ê artêşa tirk ser. Fermandarînê Pawitinê Şarî derheqê hereket lejkerîn û mesajanê siyasî ê Artêşa tirk damûsnayinê û ard ziwan ki artêşa tirk hewl dana demê  çareserîn sabote bikiro.

Fermandarîn ard ziwan ki hewldanê çareserîn ê Rayverê Şarê Kurd Abdullah Ocalan qandê heme şaranê Tirkiye aştî û demokrasî esas geno û wina vat: Quwetê HPG goreyê demê çareserîn hereket kenê û lazimînê adirbirnayin anê ca. La belê Fermandarînê Alaya Oramarê ya Gever û heveyê qereqolê xeta sînor, wext wext prensîbanê adirbirnayin îhlal kenê. 

Navendê Pawitinê Şarî derheqê îhlalkerdinê quwetanê tirk jî enê agah day: Quwetê tirk ê Alaya Oramar 25’ê adar de jî, bi tanq, top û tifînganê girana heveyê mintiqayê gerîla bombe kerdî. Eynî wext de, tiyaranê keşfî jî, heveyê noxtey bombe kerdî. Quwetê ma jî, vera enê êrişan kewtî miyanê hereketîbi tifînganê girda cewab da Alaya Oramar. Derheqê vinîkerdin ê artêşa tirk de agahî bi dest  nêkewtî.

Fermandarînê Navenda Pawitinê Şarî ard ziwan ki, wexto werte de xebatê gerîla jî çiniyê, artêşa tirk bi tanq, top û tiyareyan êrişê xo kerdê vêşî û bi zanabiyayin hereketê lejkerîn kerdo vêşî. 

Navendê Pawitinê Şarî îdîayê artêşa tirk ê derheqê operasyonê Oremar de jî zûrî vet û wina vat:Damûsnayinê artêşa tirk ê zey Oremar de lej vejiyayo, bi temamî zûrî yo. Hukumetê AKP, çarçiweyê taktîkanê weçînayinî de, heveyê lejê bi kontrol vejena. Eynî wext de jî, bi vatena “ma demê çareserîn ramenê” çim vardayo rayanê kurd û çoşmanê demokratîk. Kişta bîn ra jî, bi vatena “operasyon û lej dewam keno” jî wazena rayanê çoşmanê neteweperestan bigiro. Eno kayê lîmino û wasten xapeynayinê şarî yo. 

Enê kerdenana eşkere beno, Artêşa tirk û AKP goreyê hesabê siyasetê weçînayinî hereket kenê.Navendê Pawitinê Şarî derheqê operasyonê qezayê Mêrdîn Şemrex de jî wina vat:Cayo artêşa tirk operasyon viraşt, gerîlayê ma çinêbî. Artêşa tirk fikiriyê ki, wija gerîlay estê û qandê lejî şî wija û operasyon viraşt. 

Fermandarînê Navendê Pawitinê Şarî peynî de jî wina vat: Wa herkes nay bizano, quwetê mayo, goreyê siyasetê lîmin ê AKP, bi aya û hesas hereket bikirê. La belê quwetê ma, qandê xo pawitin, wayirê heqê cewabdayinî yê. 


 ANF/BEHDÎNAN