Roja 22ê Adare de rojnameger Hêmin Mamend seba vilakerdişêkî torra komelî ser o hetê polîsê Hewlêrî ra ame binçimkerdiş, peynî demêko bi qerarê dadgerî bi kefalet ameybî veradayiş la peynîya 24 saetan rayêko bîn ame binçimkerdiş. Demê binçimkerdişî rojnameger Mamend bi peynî bibî la bi qerarê Dadgeha Hewlêrî hetanî 27ê nîsane ra ame dergkerdiş. Endamê tîmê avûkatê xobexşî yê doza rojnameger Hêmin Mamend Herên Rifet ke nê kesan ra asayîşî destûr nêda zîyaretê malbatê Mamendî biko, aşkeraya çapemenî de va: “Bi çarçiweya serrgêra rojnamegerîya kurdî komêk heval û avûkatê Hêmin Mamendî, ma waşt zîyaretê malbatê Hêminî bikê la qewetê ewlehîye destûr nêdayê.” HEWLÊR