Teşebusê derbe ra dima çarçewaya qanûnê OHALî de dest ronîyabî şaredarîyanê DBPyî ser de û qayûmî tayînê şaredarîyan bîbî. Tayînbîyayîşê qayûman ra nata qayûmî bi kerdişanê xo her tim hêrişê kultur, ziwan û erjanê bînan yê kurdan kenî. Nê şaredarîyan ra yewe zî Şaredarîya Farqînî ya. Qeymeqam Murat Kutuk 8ê êlula 2016î de sey qayûm tayînî şaredarîye bî û dima ra avûkat Firat Bakirogluyî sey avûkato bipeyman girewt şaredarîye. Tayînbîyayîşê qayûmî ra dima 25 karkerê şaredarîye ti sebeb nêame nîşandayîş û karî ra ameybî eştiş. Nê karkeran vera şaredarîye de doze akerdî. Avûkat Bakiroglu zî seba ke şaredarîye bipawo, hetê qayûmî ra ame wezîfedarkerdiş.Bakirogluyî derheqê karkerê ke şaredarîye de bi hawayo girêdayeyê taşeronî xebetîyayênê de dîyar kerd ke nê kesî qet şaredarîye de nêxebetîyayî. Bakiroglu seba ke nê karkerî nêagêrî kar, çi destê ci ra ame kerd.
Bakiroglu kam o?
Firat Bakiroglu girêdayeyê nufusê Farqînî yo û Baroya Amedî de avûkat o. Bakiroglu donemêk Serekîya Partîya Komelî ya Demokratîke (DTP) kerdo û weçînayîşê 2009 de bîyo vernamzedê Serekîya Şaredarîya DTPyî. Bakiroglu badê DTP amebî padayîş, pawitoxî kerdbî.
DÎHABER/AMED