Azayê Komiteyê Navendî yê PKK Ayata hayr ont bende weçînayin ke, wextê Kenan Evren’î de mêndo û AKP no bendî serva kêy menfaatanê xo şixulnena û vat ke; AKP ewro pêrokîn derfetanê xo şixulnena. Cok ra ser hikûm de mend. Muzaffer Ayata veng da hometî ke, serva welişnayişê serdestiya AKP hewceyo ke herkes dest xo bido HDP û weçînayiş de serkewo.
Vengdayişê Azayê Komiteyê Navendî yê PKK Muzaffer Ayata’yî wina-ina dewam kerd: “Ez pêrokîn imbazan û şarê ma silamî kena. Şima zanê ke verniya ma de weçînayişî estê. Weçinayîşê 7’ê Heziran’î qederê Tirkiya û Kurdistan’î de zof mihîmo. Rayverê ma Newroz de qandê serva ke Tirkiye de demokrasi û serbestî ravêr şiro, meseleyê Tirkiye pêro çare bibê vat ma dê tifingî viradê. Veng da PKK ke kongre are bikero û derheqê tifing viradayis de qerarî bigîro.”
AKP dewlet giroto destê xo
Ayata’yî hayr ant kampanyayê weçînayişî ser û ard ziwan ke AKP pêrokîn îmkanê dewlet serva xo seferber kerd û niya ina dewam kerd: “Herkesî pawit pîta ke Tirkiye de zey roşan kampanyayê demokrasi ravêr şiro. Herkes zano ke HDP zey AKP û partiyanê bînan şert û mercanê zeypêyîn de nêkewt kampanya û gureyînanê weçînayin. Xeylê partî xezîneyê dewlet ra yârdim gênê. AKP îmkanê dewletî pêro serva xo seferber kerd, dewlet girot xo dest. Medya, qenalê televîzyonî, rojnamey, burokrasî, memûrî, polîsî pêrokîn girêdayê AKP yê, serva AKP gureyenê. Bendawê se û des yê weçînayiş herkes zano. Qanûnê ke Kenan Evren’î ardî AKP zî dewam kerdî. Derdê AKP yê demokratîkkerdinê welat çinyo, tenya derdê înan no yo ke; ser hikûm de bimanê. AKP serva-semedê ke îxtidar de bimano pêrokîn îmkanê dewlet şixûlnay. Nika HDP zî kewt weçînayiş. Ma zanê ke HDP do serkewo.”
Erdogan’î pêvaco weçînayişî axû jehr kerd
Erdogan bi vatişanê xo yê zûrî û nakokî pêvacoyî jehrî axû keno. Vano; ‘werte de maseyê muzakere çinyo, meseleya Kurd kotî ra vêjiya? Meseleyê da wina-ina çinya. Vano birayê min ê Kurd estê, meseleyê înan yê şexsî estê. Vano meselê Kurdan nêmend. Çira nêmend? Vano ma Kurdan rê radyo, televizyon akerdo, ziwanê Kurdî biyo serbest. La herkes zano ke hona heq û hiquqê şarê Kurd çinyo, ebi ziwanê xo de nêşkên xo perwerdê bikerê. Hewna polîtîkayê asimîlasyonî ramenê.
Hikumet Tirkiye xo bi xo talan kerd
Azayê Komiteyê Navendî yê PKK Muzaffer Ayata’yî hayr ant polîtîkayê qilerîn-leymin yê AKP ser û ard ziwan ke nika newl dane ke HDP krîmînalîze bikerê:“AKP xo zey partiyê da misilman vînena, la herkes zano ke îslam û pêrokîn îtiqatan de zûrrî kerdiş çinyo. Heramwerdiş çinyo, rişwet çinyo. La nika inka kam şeno vajo ke zerreyê hikûmet de zûrî çinyo, îftira çinyo, heram çinyo. Yanî Tirkiye xo bi xo talan kerdo. 4 wezîrê hikûmet dizdenî kerdî, mecbûr mendî îstifa kerdî. Hikûmet hemî pêro piya dizdenî kena. La peycoy hikumet mudaxale kerd dosyayê nê-in 4 weziran vinderna. Derheqê HDP de her roj bi hezaran îftira erzenê. Vanê, çete, vanê terorîst. AKP sanki her çî xo vîra kerd. Sankî heta nika pêdiyayin nêviraziyayî, sanki heyete dewlet nêşî Îmrali, sanki wezîran qisey nêkerdî. Çormeyê demokrasî, profesörî, doçenttî herkesi kerdî terorîst.Mûzaffer Ayata’yî peynî de mihîmiya weçînayişanê 7’ê Hezîran’î ard ziwan û va; hewceyo herkes serva weçînayişan seferber bibo û wayrê reyanê xo bivejyo.
“Serva qandê ke HDP bine bendawî de bimano hicûm kene. Îhtimalê hîle kerdîş zî zaf berzo. Verra nay gune-gerek pêrokîn çormeyê demokrasi, Kurdî, welatperwerî sandiqanê weçînayin bipawê. Gerek herkes meseleye nê weçînayişan bigîro cidî. Şarê ke heq û hiqûq wazenê wa xo û reyanê xo bipawê. Hewce yo herkes serva-qandê nê weçînayişan seferber bibo.”
ANF/BEHDÎNAN